Advertisements
Advertisements

ﻣﻮﻗﻊ ﺻﺪﻱ اﻟﺒﻠﺪ

صدى البلد
الإشراف العام
إلهام أبو الفتح
رئيس التحرير
أحمد صبري
Advertisements
الإشراف العام
إلهام أبو الفتح
رئيس التحرير
أحمــد صبـري
Advertisements

ذبح وتقطيع وتوصيل للمنازل كمان.. قصة الأضحية الديليفري التي أضاعت فرحة العيد

الجمعة 09/أغسطس/2019 - 11:01 ص
عجل - أرشيفية
عجل - أرشيفية
Advertisements
مــــــــــروة كمــــــــال
«الحجز من النهاردة لأضحية العيد مع أجود خدمات الذبح والتعامل بما يرضي الله وبأرخص الأسعار.. دبيحنا مختلف بنعمل كل حاجه في العجل أو الضاني.. اي جزار مش هيعمل زينا هقطعهولك واكيسهولك العجل كله علي حسب كيلو او نص» واحد من بين العديد من الإعلانات، حسبما أعلنته إحدى مزارع العجول عن خدمات للأضحية في العيد.

"مزايا "الدليفري" 

وعند التواصل مع صاحب الإعلان، علق قائلا: "بشتغل أنضف شغل ويعلم ربنا اللي بيدبح معايا بياخد كل حاجه علي الاكل علي طول والتوزيع، ويوم الذبح بيبقى يوم صعب في اي مكان الا عندنا... مش هتقف كتير تستني الدور لأنك هتبقي عارف ميعاد الذبح بتاعك هتيجي تتفرج وتستلمه متكيس كله أو نذبح عندك.. والحجز شغال وممكن نجي ناخد العجل من عندك ونحطه في المحل متشلش هم ونحدد ميعاد ذبيحة" .


وعلل مزايا توصيل الأضحية  مذبوحة  "حتاخد حتة لحمة حمرا مفيهاش جرام دهون، وحتشوف اجدع جزارين شباب مش عارفة ازاى ترضيك وتخدمك يهمنا رضاكم قبل رضانا .. يعني حتى لو شارى خروف او عجل من بره وعايز تذبحه عندنا مستنينك بنفس الاسعار الخيال .. بس كلمنا احجز ميعاد".


وحول أسعار ذبح الأضاحي أوضح "سعر ذبح العجل حوالي الفين جنيه، والخروف حوالي 500  جنيه وممكن اقل حسب حجم الاضحية.

أسعار الجزارين

وفي المقابل انتقد الجزارين  خدمة الذبح  بالمزارع، فقال أيوب محمد، جزار بحي شبرا، إن الذبح بالمزارع غير مضمون "لازم صاحب الأضحية يشرف ويتابع كل خطوة عشان يطمن أن دي الأضحية بتاعته ومفيش جرام خرج برا، دا غير ان الذبح بالمحل او قدام المنزل بمثابة فرحة لأصحاب الأضحية بالعيد". 

"الاسعار عالية اوي، لان الخروف يبدأ من 200 جنيه والعجل ممكن من 1500 جنيه، وبالتالي المزارع اسعارها اغلى من الجزارين"..يقول أحد الجزارين.

فرحة الذبح 

فيما علق عادل محمود، حول فكرة الذبح بالمزارع واستلام الاضحية بعد تقسيمها وتنظيفها "الفكرة دي ممكن تكون كويسة لسكان المناطق الراقية، لكن إحنا في شبرا بنحب نفرح، يعني ندبح جوا البيوت او عند الجزار بجوار البيت، عشان العيد مش بيكمل الا بلمة الذبح".

بديل للشوارع

فيما رحبت امال محمد إحدى السيدات أصحاب الأضاحي، بفكرة الذبح  بالمزارع "يعني لو شاري عجل من مزرعة وقدم خدمة الذبح والتنظيف والتقطيع، دي افضل طبعا وأمان أكثر ويتخلص من الفضلات بطريقته، ودا بيحمينا من الذبح في الشوارع والريحة اللي بتفضل طوال أيام العيد".

خدمات إضافية

وتابعت "الجزار بيقوم بالذبح ويشفى ويقطع ويوزن، ولكن ممكن المزرعة تعمل خدمات أكثر مثل تقسيم اللحم وتقسيمه حسب مفروم و وبوفتيك والشوى ومكعبات، فضلا عن باقى الأضحية فى عبوات فويل، بالإضافة إلى لحوم التوزيع".


انتقدت عملية الذبح في الشارع والتي تعاقب عليها الدولة بفرض الغرامات، قائلة "رغم ان الدولة منعت  الذبح في الشوارع وفي غرامات 5 آلاف جنيه، إلا أن الشوارع ومحلات الجزارة كلها عبارة عن برك دم بالايام ودا بيأذي الجيران".


فيما كشف محمد العربي، عضو شعبة القصابين، أن اجرة الجزار تبدأ من الف جنيه للعجول و200 جنيه للخروف او الماعز، وقد تزيد ببعض الاماكن، وهناك من يفضل الذبح لدى محل الجزارة والبعض بالمنازل".

Advertisements
Advertisements