العيب مش عليك .. #لاسارتى_برا_الاهلى يتصدر تويتر بعد الهزيمة من بيراميدز

تصدر #لاسارتى_برا_الاهلى موقع التواصل الاجتماعى تويتر اليوم بعد مباراة الاهلى وبيراميدز وهزيمة الاهلى، وبتلك الهزيمة يكون بيراميدز قد أخرج الأهلي من كأس مصر للمرة الثانية على التوالى.

وأثارت هذه الهزيمة جماهير النادى الاهلى معلنين عن غضبهم من خلال تدشين #لاسارتى_برا_الاهلى عبر موقع التواصل الاجتماعى تويتر بعد المباراة بساعات قليلة.

وجاءت أبرز تغريدات جماهير الاهلى :

الفوز بالدوري والفوز على الزمالك مش إنجاز عشان تذكروا للناس، خروجك من أفريقيا بهذة الطريقة أكبر فشل وخسارتك من فريق واحد 3 مرات متتالية هو أكبر الفشل بالنسبة للأهلي.
#لاسارتي_برا_الاهلي

#لاسارتي_برا_الاهلي
لما الاهلي يتهزم 3 مرات خلال سنة واحدة من نفس الفريق وتحت إدارتك لاء لازم تمشي والله.

علي مر تاريخ الأهلي لم يمر في تاريخ الاهلي مدرب فاشل بعد كل هزيمة أو أداء سيئ يتباهي بالفوز بالدوري، أحب أقولك أن فوز الاهلي بالدوري شيء أساسى وليست بالمعجزة، وشكلك مسمعتش عن الساحر جوزيه وتحقيق الثلاثية ولم يتباهى.
إنه الأهلي يا لاسارتي
#لاسارتي_برا_الاهلي

انت مش مجرد غلطة إحنا غلطناها .. انت وقعة الشاطر اللي بالف.
#لاسارتي_برا_الاهلي

لاسارتي اتسأل عن سبب الهزيمة !؟
فرد غاضبا مين اللى كسب الدوري فالآخر وساب المؤتمر!!!!!!!
واحد شايف أن الدوري أقصى طموحنا يستحيل ينجح مع الأهلى.
#لاسارتي_برا_الاهلي

انت مين فهمك أن الدوري حاجة طول عمرنا بناخد الدوري وبنكسب الزمالك ودا العادي لتكون فاكر أنك لما خدت الدوري كان إنجاز ولا حاجة ما كل اللي قبلك خدوا الدوري عادي!!!
العيب مش عليك العيب علي اللي سايبك في النادي وانت مدرب سباك ولا عندك فكر.
#لاسارتي_برا_الاهلي

وحقق الفريق الأول لكرة القدم بنادي بيراميدز فوزا  على منافسه النادي الأهلي بهدف في المباراة التي جمعت بينهما مساء اليوم باستاد برج العرب، في إطار منافسة بطولة كأس مصر والمؤجلة من يوم "28-2-2019".

ويلتقي بيراميدز في دور الثمانية من عمر المسابقة فريق حرس الحدود في 28 أغسطس الجاري.