الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

شريف مدكور يوجه رسالة عاجلة لـ مرضى السرطان أثناء تلقيهم الكيماوي

يوجه رسالة عاجلة
يوجه رسالة عاجلة لـ مرضى السرطان

نشر شريف مدكور الإعلامي، عبر حسابه الشخصى بموقع التواصل الاجتماعى "فيسبوك"، مقطع فيديو جديدًا وجه عبره رسالة إلى مرضى السرطان أثناء تلقيهم جلسات الكيماوي.

وقال شريف مدكور خلال الفيديو "عايز أقول حاجة لكل مرضى الكانسر اللى بياخدوا علاج كيماوي بدون ضحك أو تريقة.. بعد جلسة الكيماوي بيومين تلاتة الواحد بيكون أهدى شوية.. عالجوا نفسكم بالرقص.. ادخلوا أوضتكم وشغلوا المزيكا اللي بتحبوا وافضلوا ارقصوا لحد ما تتعبوا.. هتلاقوا كل التعب والطاقة السلبية طلعت وتهدوا شوية وتقوموا تاخدوا دش وتناموا.. هتتبسطوا أوي".

وأضاف شريف مدكور "طبعا في ناس هتقولي إيه اللى أنت بتقوله ده.. يعني إيه الناس ترقص.. لكن بقول آه أنا عايز الناس ترقص وتتبسط وأنا عملتها كده في البرنامج أدامكم.. برقص وبغني وبتنطط وبعمل كل الحاجات والبروديوسر والمخرج بيقعدوا يقولوا لي يا مجنون.. بس أنا ماليش دعوة بحد أنا بعمل اللي يبسطني".

وتابع شريف مدكور "الناس هتقولي ده بدل ما أقول للناس روحوا اقروا قرآن وصلوا.. أنا بقولكم اعملوا ده وده.. مش بقولكم صوروا نفسكم وأنتم بترقصوا، لكن اللي عنده جرأة يعمل ده يعمله.. واللي عندها الجرأة إنها بعد جلسة الكيماوي بيومين تقوم- أو يقوم يرقص، رقص لذيذ وليس خليع، ويصور نفسه يبعتلي الفيديو أو يشيره على صفحته يعمل كده.. احنا محاربين ووحوش وأقوياء، وأظن أن بعد اللي بيحصل معانا ده مش هنفكر الناس بتقول علينا إيه".​