عايشين في رعب .. أهالي مراقيا الجنوبية يشكون انتشار الكلاب الضالة

شكت المواطنة أميمة إسماعيل صدقى عبدالوهاب، من أهالى مراقيا الجنوبية عمارة 7 مدخل أ، في رسالة لخدمة القرّاء التي يقدّمها موقع "صدى البلد"، من انتشار الكلاب الضالة بالشارع.

وقالت فى رسالتها: "كل ليلة الكلاب يعملوا إزعاج ولو حد خرج ولا كان حتى من برة ولا عيل بيلعب تهجم عليهم الكلاب وتجرى وراهم، الكلاب بتيجى من الصحراء لأن السلك مقطع والكلاب جاية من الصحراء، عايزين حل وبسرعة، قبل كدة من يومين الكلاب جريت وراء بنتين فى شارع أربعة وكل الناس خرجوا على صراخ البنات والبنت من الجرى وقعت، احنا عايشين فى رعب، مناشدة المسئولين بالعمل على حل المشكلة فى أسرع وقت ممكن".

ويقدّم موقع "صدى البلد" الإخباري، خدمة لاستقبال شكاوى القراء والعمل على حلها مع المسئولين من خلال الخط الساخن 5731 و01025555056 أو من خلال رقم الواتس آب 01006735360.