أحمد السعدني: أبنائي لم يشاهدوا أعمال والدي.. ولا يعلمون من هو أحمد زكي

عبّر الفنان أحمد السعدني، عن حزنه الشديد بسبب انشغاله وانشغال جيل كامل عن مشاهدة الأعمال الفنية لنجوم الزمن الجميل، والتي تعد قيمة كبيرة جدًا.

وقال أحمد السعدني عبر حسابه الرسمي على "فيسبوك":" احد اسباب عشقنا للسينما زمان انها تاريخ موثق و كان دايمًا يتقال الفنان خالد بأعماله حتي بعد رحيله .. للاسف مبقاش الكلام ده صح و انا بقلب بالصدفه لقيت فيلم لمحمد فوزي (فاطمه و ماريكا و راشيل) طبعا حصل جوايا تداعي لكل حاجه جميله حستها و انا صغير و بعد ما ركزت شويه و فقت من حالة النشوة دي اكتشفت اني بقالي اكتر من ١٠ سنين متفرجتش علي فيلم ابيض و اسود اللهم مرة يتيمة عند محمود البزاوي اتفرجنا علي فيلم ابن حميدو على اليوتيوب و كان حيجيلنا سكته قلبيه من الضحك يومها".

وتابع أحمد السعدني : "للأسف ولادي انا شخصيًا ميعرفوش اسماعيل يس و لا محمد فوزي و لا فريد الاطرش و ........ لا ثانية واحدة كدة دول ميعرفوش نور الشريف وأحمد زكي ومحمود عبد العزيز ميعرفوش، غير أن جدهم صلاح السعدني ممثل بس مشافولوش حاجه آه يا زمن ماسخ ملوش لون ولا حتى ابيض في أسود".