EN 
غسالة .. ومش كله غسيل ... ده بينشف .. وده على حبل يطير..
وده ابيض وسط التلوين .... والتاني فيه شحم وطين ..اللي صغير فيها كبير.. واللي مركب رقبه ..طويل..
غسالة ..ومش كله غسيل...
...
غسالة وغسيلها جواها بيعاني ..الاول مش طايق التاني .
اللي بيملك فيها اناني... دورة سريعة .. جري وخطف ...
وقليل الحيلة غلبان مش غالي .. مكانه فيها زرار الشطف..
يلف.. يلف وآخره يسف
غسالة.. ومش كله غسيل...
...
غسالة وغسيلها جواها بيعاني ..الاول مش طايق التاني .
اللي بيملك فيها اناني... دورة سريعة .. جري وخطف ...
وقليل الحيلة غلبان مش غالي .. مكانه فيها زرار الشطف..
يلف.. يلف وآخره يسف
غسالة.. ومش كله غسيل...
غسالة وشوية مسحوق ..بس خسارة مابينضفش.. الضمير فيه بقعة كبيرة مابتتطلعش .. والقلب لونه فحم مع انه شباب .. والنية معاها بالاسباب ..والدماغ حتي لو رايقة برضه ..متكحلة بهباب..
ايوة هباب و طلعت فضيحة .. والموتور كان اصله صفيحة ..
غسالة ومش كله غسيل...
غسالة والدنيا واقفة علي زرار ... شغالة بحلة وتيار ...وانت ما بين كهربا ونار وزنك فيها ..يادوب كام كيلو ..بتلف معاها من الزيرو .
شاكب راكب .. وكمان مش عاجب ... ويوم ما تقول اللي في نفسك ...
تبقي العين عليت ع الحاجب... غسالة ومش كله غسيل ..
غسالة وبابها مقفول .. مابيفتحش غير للفول .. فول اتوماتيك مش فول مطحون ولما الريحة تبقي صابون ...تبقي السمعة في المضمون ...
غسالة ومش كله غسيل...
غسالة وطلعت محتاسة.. وناس هلاسة ملهاش حصر..
اتعودوا فيها على سوء النية ..علي قلة اصل...ولما فكروا يعملوا فصل ...شغلوها علي زرار العصر..
وغسيلنا مش بيشرفنا.. ولا 100 دورة بتنضفنا .. ولما بنفضل على نفس الحالة.. تبقي حالتها مش شغالة ..
غسالة.. ومش كله غسيل.
