بسبب إنعام سالوسة وعبلة كامل.. لماذا هاجم الجمهور حلقة ياسمين صبري في صاحبة السعادة؟

معظم التعليقات ردت على منشور إسعاد يونس لتخمن أن الضيفة هي ياسمين صبري، بينما بعض التعليقات أشارت الى نيرمين الفقي وياسمين عبد العزيز.

لكن استضافة ياسمين للمرة الثالثة كانت مدخلا لهجوم من نوع آخر من جانب الجماهير على إسعاد يونس، هجوم تلخص في جملة واحدة كررها البعض «هو مفيش غيرها».

أحدهم علق على صورة نشرتها إسعاد يونس من كواليس الحلقة «تالت مرة كده كفاية و كتير بصراحة»، وقال آخر « عملت ايه ياسمين صبرى معلش مع احترامى لحضرتك عشان تستضيفيها ٣ مرات من اول البرنامج لدلوقتى فى حين فى نجوم كتير يستحقوا الظهور معاكى زى محمد صبحي نيلى سهير المرشدى ممكن من الشباب احمد عز اياد نصار شريف منير ».

تعليقات المتابعين من هذا الإتجاه شجعت البعض على ذكر أمثلة إضافية للضيوف الجديرين بالتواجد في البرنامج فكتب آخرون « نفسنا تجيبى المبدعة عبلة كامل ونيرمين الفقى وغادة عبدالرازق و محمد رياض واحمد حلمى ».

وأضافوا خلال تعليقاتهم « استاذة إسعاد عايزين حد له تاريخ يعني فيه كتير ماجبتيهومش زي لبلبة نيللي صابرين سهير رمزي نبيلة عبيد » ، « ياسمين تالت مره !!!!!!! مش هتضيف جديد ، عايزين ناس مجبتيهومش خالص 😐! هاتي عبله كامل انعام سالوسه حسن حسني احمد حلمي او محمد صلاح وغيرهم كتير يستاهلوا».

وهاجم الحلقة آخر قائلا « ماتجيبوا انعام سالوسة والناس الحلوة دي ..هي ياسمين ايه انجازاتها عشان تستضيفوها كذا مرة !!».

وعلى الرغم من ذلك لكن عدد كبير من المتابعين والمعلقين من محبي ياسمين صبري أثنوا على ظهورها مع صاحبة السعادة وذكرو مبررات لتكرار الظهور فكتبت متابعة « بتقابل ياسمين تاني لانه عندها الجديد ياجماعه بعد مابقت نجمة وعندها أعمال جديدة بطولات .. قبل كده كانت نجمة جديدة لسه بتبتدي وتعرف الناس عليها👌 يعني فيه جديد وأخبار جديدة😉😘❤️».

وتغزل آخر في صورة ياسمين صبري وصاحبة السعادة « قمرين قمرين دول ولا عنيين 👍🏻❤️»