EN 
دشن عدد من رواد موقع التواصل الاجتماعي تويتر هاشتاج #ايتاي_البارود بعد اشتعال النيران بخط انابيب بترول قرب قرية المواسير.
وتصدر الهاشتاج قائمة الاكثر تداولا عبر تويتر وجاءت التعليقات كالتالي :
الكارثة إن المسئولين فى #ايتاي_البارود على علم بمشكلة خط البترول من بدرى ومفيش أى إجراء إتعمل لحل المشكلة ولا حتى فكروا يعملوا كردون ويخلوا الناس الموجوده فى المنطقة وفى الآخر الخط إنفجر والناس ماتت.
يا جماعة شير اللى من محافظة البحيرة
انقذوا اخواتكم وساعدوهم
فيه جثث اتفحمت وفيه ناس محتاجه دم
انقذوا اخواتكم #إيتاى_البارود
حريق هائل بمحافظة البحيرة #ايتاي_البارود عزبة المواسير بسبب انفجار تسريب في خط البترول مما اسفر علي وفاة واصابة عشرات من الاشخاص و حريق عدد كبير من البيوت و تم رفع حالة الطوارئ في البلاد مطلوب متبرعين بالدم في مستشفى ايتاي البارود العام
ريتويت.
تسريب الغاز كان من الساعه ٢ الضهر والمسؤولين كان عندهم علم بس نفضو مفيش حد اتحرك ولحق الغاز اللي ملي المكان ونتيجة دا ايه ناس كتير ماتت وناس اتشوهت #ايتاي_البارود
لا حول ولا قوة الا بالله ياا رب سلم والخساير تبقى بسيطه
#ايتاي_البارود
حسبنا الله ونعم الوكيل 💔
منظر الناس المتفحمه والاطفال الى اتشوهت حاجه بشعه
#ايتاي_البارود
محتاجين متبرعين بالدم بالمستشفى العام لايتاى البارود
#ايتاي_البارود
والله العظيم اللي مزعلنى إن المسئولين فى #ايتاي_البارود على علم بمشكلة خط البترول من بدرى ومفيش أى إجراء إتعمل لحل المشكلة ولا حتى فكروا يعملوا كردون ويخلوا الناس الموجوده فى المنطقة وفى الآخر الخط إنفجر والناس ماتت ؟!! ما بيدناش حاجه غير نقول ربنا يرحمهم وينتقم من اللي كان السبب.
