الشاعرة دعاء النمر تكتب: لما الغدر كان طبعه

ولما الغدر كان طبعه

رمت حضنه قالتله سلام

سابتله دموع ع الجدران

قالتله بحق دي العشرة

مافيش ولاركن يشتقلك

بحق ماكنت لك بيتك

وكنت البيت لكل غريب

بحق ماكنت بتهجي

حروفك جوة أحضاني

أمانه ياشيخ لتنساني

أنا مليت

أنا من كتر ما اتحديت

ضلوعي اتمزقت م الشد

ومستغرب شجاعتي بجد

لأول مرة بتكلم ومش باقية

لأول مرة مش حاسة ف غيابك خوف

كتير أنا كنت بتذلل ومش بتشوف

ببانك ليا كانت مفتوحة ع الأخر

وأنا ماقدرتش إني افوت

وكانت حكايتنا منهية وكر الخيط

وانا بسذاجة بتحدا ف سد وحيط

هاسيبك علي ف الحاجز

وقطع روحي لوعايز وكمل دنيتك وياريت

تغير ريحتي جواالبيت

وكل ملامحي تخفيها

ومش فارقة كمان صورتي

ولا توصفني ايه ليهم

مازي ماعيبت يوم فيا

هايجي يوم تعيب فيهم

خلاص لماالدموع تحكم

مشاعرنا بتتصفي

وتغسل روحنا بإيديهم

وكنت فرقت ايه عندك

ماكان قربك كما بعدك

جرح قلبي كتير عندك

زرعت القسوة ف ضلوعي

وجه الوقت تجنيها

مشاعرك عادي تلوينها

مشاعري انت بريء منها

انا فكراك بتحميها

وكات ايدك بتدفينها

انا اتشقق ف قلبي حاجات

مافيش إنسان يرممها