EN 
نجوم الأهلى فى مفرمة رضا عبدالعال: ربيعة فتوة.. الشحات عكاك .. والسولية هجاص
سلط رضا عبد العال نجم النادي الأهلي والزمالك السابق الضوء على أداء لاعبى النادى الأهلي فى مباراة الهلال السوداني التى أقيمت بينهما امس على ملعب استاد السلام في إطار الجولة الثانية بدور المجموعات فى دورى أبطال إفريقيا.
قال رضا عبد العال فى تصريحات تليفزيونية : رامى ربيعة بيلعب بالقوة وليس بالعقل ونصيحة لو فضلت على كده القوة مش هتدوم وإلعب السهل اللى على قدك ولما تتفلسف مش كويس ومهارتك على قدك كنت فين فى الهدف اللى أحرزه لاعب الهلال السوداني ومحمود وحيد هو اللى كان بيقابل لاعبى الهلال السودانى.
تابع : عمرو السولية بيعمل كل حاجة فى المباراة وييجى فى حتة يهجص لما يبقى عايز يجيب هدف ونص الملعب بيكون فاضى وتتقطع منه الكرة وانت كسبان 2-0 عاوز تجيب جون ليه.
أضاف : وليد سليمان لما يبدأ لا أشعر به أمام المنافس وإذا ما نزل فى نصف ساعة فقط فى الشوط الثانى يشكل فارق كبير أما حسين الشحات من يوم ماتش الزمالك وهو ربنا بيسهلها معاه وبيعك رغم إن آجاي معاه.
