سارة نخلة ترفع قضية خلع على زوجها أحمد عبد الله محمود

نشرت الفنانة سارة نخلة تعليقا عبر صفحتها على موقع التواصل الاجتماعى فيسبوك تعلن فيه عن رفعها لقضية خلع على زوجها الفنان احمد عبد الله محمود.

وقالت سارة نخلة :" بما أنه كان عامًا مليئًا بجلسات لمحكمة الأسرة و غيرها من المحاكم فحبيت ابتدي سنة جديدة بعيدا عن كل دا وكان لازم اخلص بعد مرمطة سنة ونص ... النهاردة عملت قضية خلع وتنازلت عن كل حقوقي الزوجية مقابل حريتي و طلاقي عشان ابقى فاضية لشغلي وحياتي".

وأضافت سارة نخلة : "الله تعالى قال تسريح ٌ بإحسان وانا بقالي سنة ونص متمرمطة عشان احصل على التسريح دا ولكن اضطريت للخلع عشان انا خلقت حرّة ومش ممكن حد يستعبدني او يمرمطني و عشان العشرة و العيش و الملح و عشان ما يتقلش عليه مخلوع بعد السنين دي كلها كنت مأجلة الخطوة دي بس سبحانك ربي صبرت كتير بالأدب والاحترام بس خلاص ...هو شخص مؤدب وعلى دماغي من فوق بس الخلع هو الحل النهائي و فداهية حقوقي الزوجية مهما كانت ، راح من عمري خمس سنين زواج مش هازعل على فلوس بقا".

وأشارت سارة نخلة قائلة :"الف كلمة مخلوع ولا اسمع ان عندي جلسة جديدة وحدة في ٢٠٢٠ في محكمة الأسرة خلاص فرهدت ولو على الفلوس ربنا بيعوض".