الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

التخن بيموت| ريهام سعيد تعلن مواصلة عمليات السمنة رغم إيقاف برنامجها

صدى البلد

ظهرت الإعلامية ريهام سعيد في فيديو جديد لها عبر صفحتها الرسمية على انستجرام، أكدت من خلاله على مواصلتها مبادرة إجراء عمليات السمنة لعدد من المواطنين مؤكدة أن وقف البرنامج لم يؤثر على استكمال عمل الخير في إجراء هذه العمليات .

وقالت ريهام سعيد: "إن وقف البرنامج لا علاقة له بمرضى السمنة والدكتور أسامة طه أصر رغم وقف البرنامج واتهامه بعمل بروباجندا لنفسه، على استكمال العمليات خاصة أنه كان متبرعا بثمن إجراء العمليات وهناك شركة مصرية كانت متبرعة بأجهزة العمليات".

وتابعت: "أنا مش إعلامية وأنا مش مذيعة ومن ساعة ما وقف البرنامج منذ 4 شهور عملنا خير أكتر وبعد رمضان سنواصل إجراء العمليات، وبعتبر أن مبادرة مواجهة السمنة هي مبادرة قومية، والناس لازم يعرفوا إن التخن حاجة وحشة ولازم نتخلص منه ولا يمكن إن حد يحب منظره بالشكل ده وعندنا حوالي 500 شخص وعدناهم بإجراء عمليات التخلص من السمنة". 
وخلال الفيديو ظهر عدد من المرضى يتحدثون مع الإعلامية ريهام سعيد، قائلين: "مدام ريهام الوحيدة اللي وصلتنا للمكان ده بعد ربنا، وأيضا قالت أخرى: "إحنا بننهج وإحنا بنكلم وحياتنا واقفة ومش عارفين نخدم عيالنا". 

وتحدثت أخرى عن ابنتها قائلة: "بنتي مريضة سمنة مبتقومش تسقي نفسها مية وضهرها واجعها ورجلها واجعاها وأنا بعملها كل حاجة والوحيدة اللي حست بالناس التخان هي مدام ريهام".

وقالت ابنتها: "أنتي اتظلمتي يا مدام ريهام".

وواصلت ريهام سعيد قائلة: "الناس دي كلها آخر مرة هنشوفهم في الحجم ده و هتبقى حلوة ورفيعة ويا رب تقوموا من العمليات بألف سلامة وبأكد تاني التخن حاجة وحشة جدا و حتى لو حد مبسوط بنفسه هو مليان أنا مش مصدقاك ومش هصدقك".

وتابعت: "أنا مش مذيعة ولا إعلامية أنا مواطنة مصرية شايفة إن الناس كلها لازم تبقى مرتاحة، وكان قرار نبيل من دكتور أسامة طه لأنه أقدم على استكمال البرنامج دون عمليات وإحنا مصممين على أن التخن بيموت".