البني آدم بقى متوحش.. رسالة محمد فراج إلى العالم

ووجه فراج، من خلال الفيديو رسالة إلى جمهوره تحثه على الحب والابتعاد عن الوحشة والأنانية، وقال: "بحس إن الناس مابقتش تحب بعض زي زمان، بقى فيه كده كره وخربشة من الناس لبعضها اللي يخوف أكتر بقى إن الخربشة ديه بقت عيني عينك، بقى فيه كره من البني أدم للشجر، من البني أدم للحيوان، للطبيعة، رسالة إلى العالم". 

وأردف فراج في كلامه قائلا :"بحر بيتلوث وبيترمي فيه كميات مهولة من الزبال والبلاستيك، البني أدم بقى متوحش، متوحش حتى في مشاعره تجاه البني آدم اللي زيه، عايز يبقى لوحده، مش عايز حد يقاسمه في الدنيا اللي ربنا خلقها لينا كلنا".

ويذكر أن الفنان محمد فراج قد انتهى من تصوير مشاهده في فيلم «الصندوق الأسود» بالكامل، والذي  من المقرر عرض الفيلم خلال موسم الصيف المقبل.

الفيلم بطولة الفنانة مني زكي وأسماء جلال والفنان محمد فراج ومصطفي خاطر وشريف سلامة ومن تأليف هيثم مصطفى الدهان وإخراج محمود كامل.