تحقيقات وملفات

تصريحات مثيرة من أحمد فلوكس عن زواجه وطلاقه من هنا شيحة.. علاقته المضطربة بـ محمد رمضان.. القوات المسلحة والهارب معتز مطر

السبت 02/مايو/2020 - 09:00 ص

أكد الفنان أحمد فلوكس، أنه يتمنى أن يرتبط بسيدة جميلة كانت زميلته فى المدرسة، وقال: "أنا بحب أهزر مع الناس على السوشيال ميديا علشان كده قولت الكلام ده على حسابى.. ولكن الرجالة محتاجة فلوس كتير علشان يتجوزوا.. لأن الراجل بيعمل كل حاجة، وأكتر حاجة بتضايقنى فى الجواز كلمة "بنشترى راجل" لأن الجملة ديه لو اتقالتلى هسيبها وهمشى.. جملة صعبة جدا".

وأضاف فلوكس، خلال برنامج برنامج "شيخ الحارة" على قناة "القاهرة والناس"، مع إيناس الدغيدى: "أنا ما دخلتش الفن عن طريق والدى بالعكس هو كان رافض، أنا دارس إعلام قسم تصوير، وأبويا كان عاوزنى أشتغل فى البيزنس، وبالفعل أنا دلوقتى فاتح شركة، لأن الفن مابقاش هو اللى تربينا عليه، وأكبر دليل على كلامى، إنى كنت بروح الجامعة بميكروباص، يعنى تعبت فى البداية".

من جانب آخر، أكد الفنان أحمد فلوكس أنه أنقذ الفنانة هنا شيحة بعد الطلاق من الحبس بعد وقوعها في أزمة كبيرة.

وأوضح أنها لو كانت محله لفعلت نفس الشيء، مشيرا إلى أنه يكن لها كل تقدير، ولا سيما بعدما وقفت بجانبه فترة مرضه.

وكان أحمد فلوكس قد صرح خلال الحلقة بأن هنا شيحة كانت زوجته وظلت تتردد عليه فى المستشفى أثناء تصوير فيلم "الديزل" مع الفنان مع محمد رمضان، لافتا إلى أنه لم يتدخل في عملها خلال فترة الزواج، ولكنه لم يكن مرحبًا باشتراكها في هذا الفيلم.

وقال أحمد فلوكس خلال الحلقة إن عملها مع محمد رمضان فى "الديزل" مع محمد رمضان لم يكن فرصة كبيرة لها، ولو كان الأمر بيده لنصحها بعدم تمثيل الفيلم.

وأضاف فلوكس: "ماكنتش عاوز أطلق هنا شيحة لأن هنا جميلة جدا ومن الناس اللى قابلتهم ومايتعوضوش، كانت بتحبنى جدا، وست بمليون راجل، ولكن أنا كراجل صعب، صعيدى حتى لو ماروحتش الصعيد طول عمرى، وعصبى جدا، وفى نفس الوقت هنا مايتفرطش فيها بسهولة بس هى اللى طلبت، وطبيعى اللى هتطلبه هنا هعملهولها لغاية ما أموت".

وعن الفيديو الذى كان يهاجم فيه الهارب معتز مطر، قال فلوكس: "أنا عمرى ما هدخل حزب، لكن وقت هجومى على هذا الشخص، أى بنى آدم طبيعى هيهاجمه، لأنه بيقول ادعاءات، وكان من واجبى أقول الكلام ده".

وأضاف: "أنا شفت عساكر وظباط وصف كلهم ناس بتسيب بيوتهم وبيروحوا معسكراتهم، دول بيبنوا، فى الوقت اللى فى ناس بتهد".