EN 
# بتسألني. . أنا اطلع مين ...
..أنا.. ابنك أنا تبعك ..أمين أو زين فى جيش أبيض .سنين يتعب ..وليل يسهر عشان يحفظ حياة ملايين .
** وعايز أيه كمان فى الكيس ..أنا شكرى ملى القراطيس ...
وراتبك زاد له قد 200 ...ده ميكفيش
# أنا عارف لكن خايف وانا شايف بقيت عمرى هنامحبوس ما بين خطين
أنا نفسى فى يوم مااتعب الاقى حد يداوينى ..ومشفى تليق بإنسانى.... وجهدى جوة أوطانى .. .. وشقاية سنين
** يابنى انت تاج راسنا ونور عيننا .بس لو موتك ندا ..هتهرب فين
انت شايف عندى زحمة ..والوبا مش مدى رحمة ...ادعى لينا تفوت سليمة لجل ماترجع لنا ..قرير العين
# كل ده ممكن له أمنع ....لكن ادخل
معركة وانا فيها أعزل ..حتى ماسك مش موفر ..والجوانتى فى لبسه يقطع ..والكحول برده شاحح ..والحكاية سوءها يوجع ..وان وقعت محد ينفع ...
** يعنى عايزنى أ أ من لك حياتك ..
ماانت شايف الكماين كل يوم تقتل خواتك ..
..انت مش فاهم ياعالم إن طول ماانت ساكت تلقى عندى الحسن دايم
لكن انك تعترض ..وللا تطلب تتفرد ..يبقى طردك من جزاتك ...والخيانة والعمالة تهمة تحملها ف حياتك وف مماتك ..
ده انتو ميت مليون ..ف بالى ..اللى يرحل فيكوا يرحل عندى تانى وتانى تانى .
..يا...الله خدت وقت يامة واحفظ اليوم ده بعلامة ..أصل بعده الحساب هيكون صرامة ....وانتوا لو متوا جميعا ايه هيحصل ..هية هتقوم القيامة ..
البلد دى للفنون ..والحضارة والجنون ...لكن الحكما وعلما واللى عايزينها تقوم ...فيه بلاد تانية روحوها وابعتوا منها المصارى ..والعمولة ..والهدوم ..
# مين يصدق ده الكلام
ايوة بلدى من زمن كانت منارة للحضارة بس بعلومها ونضالها مش برقصة وللا نكتة وللا مسخ وأولعوبان
ده كلام يطلع به مسئول عن حياتى أو حياتك .
. بادعى من قلبى نتحرم من لون جنانك ... حتى لو كان التمن مليون شهيد من وبا ..مش فى احتسابك
كان لازم افهم ان ده قصد البيان ...لما سيبنا للحدود فاتحة البيبان ..
قمنا نصرخ اقفلوا قبل ميفوت الأوان ...كله كان ساكت مطنش ...وللا سادد للودان ...
بكرة لو مت هترمى جثتى فوق الجبال
وان فضل فيا النفس يبقى سجن وله حيطان زى الصوان ..
...بكرة هتقوم كلابك يكتبوا.عنى انى خاين .مش هينضف .
.لا ده موتى او هروبى ليا أشرف
..بس يوم جاى بأوان كله يعرف.... إن انا اللى كنت مخلص ..وان انا كنت اللى فاهم والهمام
وان انا اللى كنت وطنى ..واللى كان خسارة عدمى ..وان انا اللى كنت استاهل عيشة الهنا ...وحسن الختام ...
هخرج اليوم من مدينتى ..عند ناس عارفين لقيمتى ..واما تتعالج لى حيرتى ..هنسى أيام الهوان ..
مصر خارج غصب عنى كل ده ماكان ف ظنى ..بس لما لقيت لى كلمة قلت اكتب فيك غنوة..ترفعك اعلى مكان .. بس واضح لسة بدرى ..لسة فيه وقت هيجرى .. ..لسة ما آنش الأوان ....
