كان ناشئا في صفوف المقاولون .. حمدي نوح يروي كواليس أول لقاء مع محمد صلاح

تحدث حمدى نوح نجم الفريق الأول لكرة القدم بنادي المقاولون العرب الأسبق كواليس حواره مع محمد صلاح مهاجم ليفربول الإنجليزى حينما كان ناشئًا فى صفوف ذئاب الجبل.

 

اقرأ أيضا .. محطات في مسيرة محمد صلاح .. من نادي عثماثون والمقاولون للسيطرة على القارة الأوروبية مع ليفربول

وقال حمدى نوح فى مداخلة هاتفية لبرنامج وان تو مع النجم حازم إمام عبر إذاعة أون سبورت: "كنت مدربًا لأشبال المقاولون فى عمر الـ 15 عامًا ووجدت لاعبًا مميزًا عمره 14 عاماًُ يتمتع بسرعة رهيبة ، فقعدت معاه وقولتله أنا عايز أجهزك عشان تبقى لاعب محترف تفيد المقاولون".

 

ويضيف حمدي نوح: "سألت عنه قالولى اسمه محمد صلاح وسايب أهله فى طنطا ومغترب هنا قولت يبقى عنده قوة تحمل قولتله أنا عايزك تحافظ على الكورة عشان تحافظ عليك وتعملك بيت وأسرة وتبسط أهلك عشان أنت عندك موهبة وسرعة ورجل شمال قوية بس لازم تزود رجلك اليمين شوية".

 

وتابع نجم المقاولون العرب الأسبق : " لقيته فى التمرين بيمرر كتير قولتله تلعب من لمسة واحدة وبدون عنف أو ضرب، وبقيت أركز أشوفو بيلعب برجله اليمين ولا لأ ، كنت عايزة يلعب فى كل مكان فى الملعب، دلوقتى بشوف شيكابالا نجم الزمالك وأحمد الشيخ نجم الاهلى مش عارفين يستخدموا رجلهم اليمين وده غلط".

 

وأكمل حمدى نوح : " صلاح كان سريع وعنده جراءة وانطلق وربنا كرمه عشان بيعمل خير كتير، وعندى فى المقاولون 3 لاعبين مستقبلهم كويس ونفسى يبقوا زيه هم محمد على ويوسف حسن ومهند".