الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

رسالة جديدة من والدة المتهم في قضية الفيرمونت بعد إخلاء سبيله

صدى البلد

بعثت والدة المتهم سيف الدين برسالة  شكر عبر صدى البلد بعد اخلاء سبيل نجلها من قبل النيابة العامة في القضية المعروفة إعلاميا باسم الفيرمونت.

وقالت والدة سيف لـ "صدى البلد": أنا مهما كتبت ومهما قلت مش ها أقدر أوفيكو حقكوا كلكو مش عارفة حتى أشكركم إزاي مش عارفة أعبر أنا ممتنة ليكو كلكو اد ايه  .. متفاجأة من كم الدعم المعنوي والتعاطف اللى حصل معايا من اللى يعرفني واللى ميعرفنيش بل المفاجأة الاكبر ان اللى ميعرفنيش كان بيتعامل معايا كأنه من اهلي ... ايه ياجماعة ده !!! اد كده احنا فينا ناس كتيير اوى حلووين وجدعان كده ؟؟ بجد انا معرفش ازاي كنت حسة بكل حد بيبعتلي او بيكلمني او بيعلق او بيشير او حتي بيشوف البوست بتاعي ومابيتكلمش بس كنت حسة والله انه كلكم ومن قلبكم معايا .. ده غير اللى كنت بشوفهم ومن غير ما يتكلموا وبنظرة عينهم بس شايفة كل الدعم والتعاطف ،، وهنا احب اقول ان كان في ابطال وقفوا فى ضهرى وعملوا كل اللى ممكن يتعمل بس الحقيقة لو كتبت اسماء يبقي الصفحة بتاعتي مش ها تكفي .

ولازم أشير لأخويا وزميلي وصديقي ومحامي سيف، محمد السباعي واللى لو كتبت فيه قصيدة مش هوفيه حقه بجد  كان بيعمل اللى عمره ما عمله في حياته انا واثقة من كده واعتقد انه ممكن يعتزل المهنة من اللى انا عملته فيه بجد انا مش عارفة اقولك ايه.. اي كلام فعلا مش هيعبر عن شكرى وامتناني ليك يا بطل علشان استحملتني .

اما الصديق الشهم والجدع محمد عبد العزيز اللى هو اتعرفت عليه مع بداية القضية وبقيت كاني اعرفه من سنين ، وهو ايضًا محامي سيف اللى هو فعلا ومن كل قلبه كان بيتعامل وبيحارب علشان سيف كأنه اخوه الصغير .. بجد يا محمد انت اصيل وابن حلال وربنا يباركلك ويوفقك .

واخيرًا  حبيت بس أأكد ان كل حد ساندني ودعمني كان ليه دور ,فعلا فعلا بعد ربنا انتوا كلكم بجد ابطال ودعواتكو كلها من قلبكم واستجابت ووصلتوا صوتنا  لاصحاب الضمائر  وقضاة الحق واظهروا الحق .. الحمد لله  يا اصحابي يا اهلي يا حبايبي ربنا يخلكم ليا ومايحرمنيش منكم ابدًا.

وكانت النيابة العامة أمرت بإخلاء سبيل نازلي مصطفى وسيف الدين أحمد على خلفية اتهامهما في قضية فندق الفيرمونت.


وحصل موقع "صدى البلد" على أول صور للمتهم سيف الدين أحمد فى قضية الفيرمونت والذي صدر قرار اليوم من النيابة العامة بإخلاء سبيله على ذمة التحقيقات.


وكان المستشار حمادة الصاوي، النائب العام، أمر بالتحقيق في البلاغ الذي تلقته النيابة العامة بتاريخ 4 أغسطس عام 2020 من المجلس القومي للمرأة مرفقًا به شكوى قدمتها إحدى الفتيات إلى المجلس من تعدى بعض الأشخاص عليها جنسيًّا خلال عام 2014 داخل فندق فيرمونت نايل سيتي بالقاهرة، تحقيقًا قضائيًّا وفحص ما قُدّم من أوراق وشهادات مقدمة من البعض حول معلوماتهم عن الواقعة.