تترات مسلسلات رمضان 2021 .. شيرين وأصالة الأبرز

حرص عدد من النجوم على غناء تترات مسلسلات رمضان 2021، أبرزهم الفنانة شيرين، وأصالة، ونستعرض لكم أبرز التترات من خلال التقرير التالي:

شيرين

غنت شيرين "وشي الحقيقي" تتر مسلسل “لحم غزال” لـ غادة عبد الرازق.

تقول كلمات الأغنية: “وبتسألوني أنا مين في دول .. وأنا بعترفلكوا بالحقيقة خلاص وأقول.. أنا ده وده وأنا ده وده أنا كل دول.. ساعات بكون طيب قوي.. وساعات بدمر للهلاك.. وساعات شيطان وساعات ملاك.. وساعات بكون بين البينين.. من كتر ما بقلع وشوش وألبس وشوش”.

"وشي الحقيقي" كلمات بدوي جمعة، وألحان محمد رحيم، وتوزيع أمير سمير.

أصالة

غنت أصالة “مابنقدرش” تتر مسلسل قصر النيل لـ دينا الشربيني.

تقول كلمات الأغنية: “انا مش نفسي بتاعة امبارح.. مبقاش قلبي خلاص بيسامح.. أنا وحشاني.. دي حقيقة.. الطفلة الهم كسرها.. دلوقتي بقيت انا غيرها.. مش هي.. اللي فاضلي مني ملامح.. ذكري بعيدة لزمن رايح.. هو انا ظالمة ولا بريئة السكينة بتسرقني بحرق غيري وبحرقني.. بإيديا”.

"مابنقدرش" كلمات أمير طعيمة، وألحان إيهاب عبد الواحد، وتوزيع أمين بوحافة.

إبراهيم الحكمي
قدم إبراهيم الحكمي “البيوت مرايات” تتر بداية مسلسل “اللي مالوش كبير”، بطولة ياسمين عبد العزيز.

تقول كلمات الأغنية: “البيوت مرايات شوف مين بتطلعوا واسالوا على الذكريات.. تلاقيها بتوجعوا واللي ملوش كبير الحب يغيروا واللي بيختار غلط سكوته يدمره.. البيوت مرايات تشوف مين بتطلعوا واسالوا على الذكريات تلاقيها بتوجعوا.

و اللي ملوش كبير الحب يغيروا واللي بيختار غلط سكوته يدمره.. بيخونك اكتر حد انت المفروض فاكره مبيخونش والاغرب.. لما تلاقي امان في حضن مبيطمنش.. واللي في الوش حبايب على بعض بيغدروا".

“البيوت مرايات” كلمات أيمن بهجت قمر، وألحان وليد سعد، وتوزيع موسيقي خالد نبيل.
 

تامر حسني

قدم تامر حسني أغنية تتر مسلسل “نسل الأغراب”.

تقول كلمات الأغنية: “من صلب بعض على الورق.. وفروعنا من طريقين.. والود في قلوبنا انحرق.. عدى السلف والدين.. صدق قال إن الزمن لو تأمنوا ينهيك.. نسلك يا آدم من زمن فيه الخسيس والزين”.

كلمات سارة سعيد، وألحان هيثم نبيل، وتوزيع موسيقي فهد.