شاعر «احنا مش بتوع حداد» يكشف كواليس الأغنية: صورناها في 3 أيام

كشف الشاعر أحمد حسن راؤول، مؤلف أغنية «احنا مش بتوع حداد»، كواليس الأغنية التي عرضت في نهاية مسلسل «الاختيار 2»، مشيرًا إلى أنها تمثل حدث مهم في حياته، حيث يتم ترشيحه في الأحداث الوطنية، مثل احتفالية 6 أكتوبر .
 
وأضاف «راؤول»، خلال مداخلة هاتفية ببرنامج «صباح الخير يا مصر»، المذاع على  القناة الأولى والفضائية المصرية، ، أنه بعد الانتهاء من أغنية أحمد سعد جاء له تكليف في الحلقة 25 بأنه لابد من إجراء أغنية في نهاية المسلسل، «قولت مفيش وقت، وقعدنا في الاستديو 3 أيام شغالين، وصورناها يوم 28 رمضان».

ولفت إلى أن أغنية «احنا مش بتوع حداد» كانت موجودة في «الاختيار 1»، ولكن رغبوا في أخذ نفس اللحن ونفس الكلمة لتكرارها في الجزء الثاني، متابعا :  «احنا اشتغلنا كتير جدا، وعملنا 19 أغنية بألحان مختلفة لحد ما وصلنا، احنا مكناش بنام، وكل يوم بتعدي بنتأخر في يوم لأن فيه تصوير وفنانين وموضوع».

وتابع: «الموضوع كان عذاب، بس لما نبص على النجاح بعد كدة بتحس براحة، الموضوع كان مطالب أنه يطلع في الآخر إن شعب مصر كله يغني الأغنية دي، ولو فنطنا كلماتها هنلاقي فيه جزء رسالة معينة وجزء رسالة تانية، كل كلمة مدروسة محطوطة إزاي».