EN 
قال الفنان مصطفى درويش ، إن الفنان شريف دسوقي رجل محترم ، وذو خُلق عال، معقبا: " من خلال الفترة اللي قضيناها مع بعض أثناء تصوير مسلسل 100 وش ، كان دسوقي أقل واحد ممكن يتكلم في حاجة ، ودايما في حاله" .
وأوضح " درويش " في مداخلة هاتفية مع برنامج " من مصر " المُذاع على فضائية " سي بي سي " ، قائلاً : " اللي حصل ، إني لاقيت الناس بتبعتلي إن الفنانة بدرية طلبة نشرت بوست على الفيسبوك اننا ندعي لشريف دسوقي ، ف كلمتها وسألتها ايه اللي حصل ، قالتلي انه اتبترت رجليه وهننقله من مستشفى لمستشفى تانية ، وإدتني رقم المستشفى الجديدة وعنوانها عشان أروح له " .
وأكمل : " النقابة بالفعل تدخلت منذ البداية، بس كانت متابعة مع المستشفى الأولانية فقط ، فلما أنا روحت المستشفى التانية ، لاقيت حتى مش مدفوع له مقدم العملية ، والمستشفى كانت هتمشيه بسبب الفلوس " .
وأردف : "وأخوه كان واقف برة ، واستغربت انهم لم يخبروا اي حد من الفنانين أو اخوه حتى ، وبصراحة معجبنيش الوضع في المستشفى".
ونوه : "دسوقي مكنش حاسس بأي حاجة بعد العملية ، ولكن بعد ما نشرت بوست على الفيس ، والرئيس السيسي قرر التكفل بعلاجه ، لاقيت الدنيا في المستشفى اتغيرت ، وعملوا كل حاجة ، واتنقل بسيارة إسعاف مخصوص".
وعقب : "الرئيس السيسي بمثابة أب لينا ، وربنا يخليه لينا إنه نظر لفنان محتاج لبلده ، ولنقابته ، ولزملائه “ ، شاكراً الرئيس على توجيهاته بعلاج شريف دسوقي.
