الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

على هامِشْ رُباعيَّات چاهين.!!

تأثَّرَ "صَلاح چاهين" في إبْداعِ رُباعيَّاتِهِ بِروَّادِ الصوفيَّة الكِبار وشَرِبَ مِنْ نَبْعِهِم الصافي – لا سيَّما عُمَر الخيَّام وحافِظْ الشيرازي وشَمْس الدين التَبْريزي ومحيي الدين ابْن عَرَبي ورابعة العَدَويَّة وعُمَر ابْن الفارِضْ وغَيرهم – وجَرَتْ رُموزِهِم ومَعانيهِم على لِسانِهِ في لُغَةٍ سَهْلَةٍ بَسيطة تُشْبِهُ بَساطته في الحياةِ ومَحَبَّتِهِ للِنَّاس – رَغْمَ أنَّ بَعْض النُقَّاد يعيبون عَلَيْهِ اسْتِخْدام اللُّغة العاميَّة في كِتابَتِها ...!؟! – وتُشيرُ الدِراسات المُخْتَلِفة إلى أنَّ أوَّل مَنْ كَتَبَ الرُباعيَّات شِعْراً بِلُغَةٍ فَلْسَفيَّة غَلَبَتْ عَلَيْها  تَساؤلات الحيرَةِ والتَشاؤم هو الشاعِر الكَبير "عُمَر الخيَّام" وقَدْ تَرَنَّمَتْ بِبَعْضِها سَيِّدة الغِناءِ العَرَبي "أُمْ كُلْثوم" بَعْد أنْ تَرْجَمَها مِنَ الفارِسيَّة الشاعِر أحْمَد رامي وقام بِوَضْعِ مُوسيقاها المُوسيقار الكَبير رياض السُنْباطي – وقَدْ نَظَّمَها الخيَّام على مَدَارِ حياتِهِ بِما أوْحى إليْهِ خاطِرِهِ وأمْلى عَلَيْهِ وُجْدانهْ – ناعياً فيها مَصير الإنْسانِ وحياتِهِ القَصيرةِ في عالَمِ الوُجودْ ...!؟! – فالأيَّام تَمُرُّ مَرَّ السَحاب – وما دامَتْ الحياة مَحْدودَةِ الأمَدَ – فَلِماذا نَشْكو مِنَ الألَمِ ومَثْوانا جَميعاً إلى التُرابْ ...؟!؟.

 يَقولُ أُسْتاذُنا الأديب الكَبير "يحي حَقِّي" صاحِب عِطْرِ الأحْباب وخَلِّيها على الله وقَنْديل أُم هاشِمْ – في تَقْديمِهِ لِرُباعيَّاتِ چاهين  "... لَيْسَ المُهِم أنَّها كُتِبَتْ بِالفُصْحَى أو العاميَّة – إنَّما ما يُهِمُّنا – ماذا قالَ صاحبها – ولَوْ أنَّهُ كَتَبَ باللاونْدي – فَإنَّ القارِئ سَوْفَ يَفْهَمه – لأنَّ المؤلِّف "ابْن بَلَدْ أصيلْ" فَكُل ما يَصْدُرُ عَنْهُ هوَ فَيْضٌ مِنْ فَيْضِ الكَريمْ ..." – ويوَضِّح "الأديب الكَبير – أنَّ رُباعيَّات چاهين تَنْتَمي لِلْفِطْرَةِ وتَتَّصِفُ بِالعُذوبَةْ – فَقَدْ عامَتْ فَوْقَ بَحْرِ التَصَوُّفِ دونَ الغَرَق فيهْ – فَلا حُدود لِإعْجابي بِها ومَحَبَّتي لَها – فَهى تَرْجَمَة ذاتيَّة تَنْبُضُ بِالحياةْ ...!؟!...".

 ذَهَبْتُ إلى قِراءَةٍ يَغْلِبُ عَلَيْها طابِع التأمُّلِ لِرُباعيَّاتِ "صَلاح چاهين" إبان الفَتْرَةِ الماضية – فَكانَ أنْ كَتَبْتُ ما يُشْبِهُ الرُباعيَّات على هامِش بَساطَتِها – مُحاوِلاً تَوْظيف الشَكْل – لِأتَمَكَّن مِنْ كِتابَةِ ما وَرَدَ على خاطِري مِنْ مَعانٍ رَوْحيَّة – لَمْ أذْهَبْ إلى مُحاكاةٍ أو تَقْليدٍ لَها – فَبَدَتْ كُل رُباعيَّة وكأنَّها تَدورُ حَوْل مَعْنى مُحَدَّد أو فِكْرَة طَرَأَتْ لي – لِهَذا وَضَعْتُ لِكُلٍ مِنْها عنْواناً يَنُمُّ عَنْها – ورَغْمَ أنَّ هُناكَ العَديد مِنَ الرُباعيَّات كَتَبْتها بِالفُصْحَى – إلَّا أنَّني آثَرْتُ أنْ تَكونَ البِداية بِنَشْرِ ما كَتَبْته مِنْ رُباعيَّاتٍ على "هامِشْ رُباعيَّات چاهين" لِما فيها مِنْ أفْكارِ مَصْحوبة بِخِفَّةِ الدَمِّ التي كانَ يَتَمَيَّزُ بِها – رَحِمَهُ الله ...!؟!.
 ... انْظُر إلى دَعْوَتِهِ لِلْإنْسانِ – على لِسانِ العَنْدَليبِ – أنْ يَعيشَ حُرَّاً كَما خَلَقَهُ الله لا يَسْتَعبِدَهُ شَئْ ...!؟!   "يا عَنْدَليب ما تَخافْش مِنْ غِنْوِتَكْ ... 
الغِنْوَة مِشْ حَ تِمَوِّتَكْ – إنَّما – 
كَتْم الغُنا هو اللي حَ يِمَوِّتَكْ ..."عَجَبي"...!؟!..." هَذا هوَ العالَم الفَريد لِتوارُدِ الأفْكار...!؟!.
🌴~ {1} ~🌴
"غِنْوَة"
"... صَلاح يَقول: يا عَنْدَليب غَنِّي 
مَهْما اشتكيت – أوْعى تِكْتِم غِنْوِتَكْ 
إرْمي هُمومَكْ وَراكْ – تِعيش مِتْهَنِّي 
دا حَياتَكْ في الغُنا – والسُّكاتْ فيهِ آخْرِتَكْ !؟!..."
🌴~ {2} ~🌴
"ضَعْفْ"
"... لَيه تشتكي ضَعْفَكْ – وجواكْ قوتَكْ 
جَدِّدْ إرادتك – تلاقي كُلُّه يهونْ 
إنْ شافوا مِنَّكْ قوة – تِحْتار فيكْ الظُنونْ 
وإنْ بانْ عَليكْ الضَعْف – تَتَجَدَّدَ مِحْنَتَكْ ...!؟!..."
🌴~ {3} ~🌴
"طَبْعْ"
"... عايشْ زَمانُه بِطَبْعِ الوَفا
ومَهْما شاف مِنْ جُحود أو غَدْر
مالوش دَليل غير انْتِظارِ الصَبْر
ولو قِدِرْ الزَمان ... يَكون هوَ عَفا ...!؟!..."
🌴~ {4} ~🌴
"خَريفْ"
"... عِشْنا وشُفْنا الرَبيعْ ... تُراب ورياحْ
في لَيلُهَ بَرْد الشِتا ... ونْهارُه حَرْ الصيف
ليه الرَبيع في حياتنا – لابِسْ توب الخَريف
هاجِرْتْ طيوره بَعيدْ – ولون زهوره راحْ ...!؟!..."
🌴~ {5} ~🌴
"لِسانْ"
"... بنشوف كتير ما بيستخدموش عَقْلُهُمْ 
تفكير مفيش ... إنما طولِةْ لِسانْ
نافِشْ في ريشه – وياريته حَصَّل بغبغان
كلامه رغي – مالهوش معنى زَيِّهُمْ ...!؟!..."


🌴~ {6} ~🌴
"حَرْب"
"... ليه الحياة ماعدش فيها وِئامْ
وأقْرَب الناس ما تشوفش منهم خيرْ
أوقات يهِّلْ كتير – إنما م الغير
في القُرْب شُفْنا الحَرْب – والبُعْد قال يا سَلامْ ...!؟!..."
🌴~ {7} ~🌴
"سُكَّرْ"
"... رغم إنه حزين – سَهْرانْ وبيْفَكَّر
قالوا جَرالُهْ إيه ... بيضْحَك وبيكَرْكَرْ
... أتاري جالُه صباح – فُلْ وعَسَلْ – عَليْه سُكَّرْ
... كان الصباح نادي – وسُكَّره مكَرَّرْ ...!؟!..."
🌴~ {8} ~🌴
"فَرْحَةْ"
"... يا عيني عَ الفَرْحَة لَمَّا تِهِلْ ...
... يفرح معاها الوجود ... دا القلب ذي الفُلْ ...
و بِفَرْحَة مالها حُدود – قُلْت لَها مِنِّك ذاتي ...
... رَدِّت وقالت – لكن إنْت! كُل حيَاتي ...!؟!..."
🌴~ {9} ~🌴
"جِناحْ"
"خاصِمْت طيوره الفَضا – وضاقْ عليها البَراحْ ...!؟!
ليلْها نجومُه غيوم – وصَبَاحْها ضَيُّه راح ...!؟!
كِتِرْ عَليها الأسى – مالي قِلوبْها جراحْ ...!؟!
إزاي ممكن تطير – ولكل كَسْر جِناحْ ...!؟!..."
🌴~ {10} ~🌴
"إخْتيار"
"... بِتشْتِكي ليه الحياة بَقِتْ عذابْ ومرارْ ...؟!؟
عِنادْ وحيرة وكَدَر جوَّه البيوتْ ...!؟!
الحُزْن فيها معَشِّشْ ... والهَنا مَوْقوتْ ...!؟!
إرْجَع لِلبداية – تلاقي كُلُّه – "سوءْ اخْتيارْ" ...!؟!..."

 

 


🌴~ {11} ~🌴
"غَريبْ"
"... قالوا عليه دا سياسي 
... قُلْت والله أديبْ
قالوا مَعارْفُه كتيرْ ...!؟!
... عيني عَليه دا غَريبْ
ما تهمهوش الدُنْيا ...!؟!
... إنْ رَقْ قَلْب حَبيبْ ...!؟!..."
🌴~ {12} ~🌴
"لوم"
"... قالوا يا عيني عليه
... كِتْرِتْ عليه الهُمومْ
الحيرة مِنْ ناحية – وناحية قِلِّة نومْ 
... هُمَّةْ يادوْب كام ساعة – كُلْ كامْ يومْ ...!؟!
تايهْ مع الأفكار – مفيش عَتَبْ أو لومْ ...!؟!".
🌴~ {13} ~🌴
"ناسْ"
"... زي ما قال چاهين: فيه ناسْ وناسْ
ناسْ مِنَّكْ قَريبَةْ ... لَكِنْ بعيدة وغريبَةْ 
وناسْ من بعيْد تِشوفْهَا ... تتمنَّى قُرْبَها
بِتسْكُن جوَّه قَلْبَكْ ... وبتْصون وِدَّها 
وناسْ تانية كتير – إنْ شُفْتَها تَحْتاسْ ...!؟!"
🌴~ {14} ~🌴
"صُعوبة"
"... يا رِحْلة الأيَّام – ليه كده صَعْبَةْ
فيكي الكتير م الألَمْ – و يادوبْ شويَّة مَحَبَّةْ
يتوه فيكي الغَريب – هِنا وهناكْ وفينْ
تَطول بيهْ السِنينْ – على فُراقِ الأحِبَّةْ ...!؟!"
🌴~ {15} ~🌴
"هاتْ وخُدْ"
"... طولْ ما انْتَ في الدُنيا – لازم تاخُدْ وتِدِّي
تِلْقي الكَريم بيقول – آدي اللي عنْدي 
أمَّا الشحيح مَبْدَأْه – ما يهمنيش مينْ بَعْدي
إزاي تقدر تعيش – إنْ قُلْت عايشْ لِوَحْدي ...!؟!..."


🌴~ {16} ~🌴
"ضَلْمَة"
"إحْلِفْ مَهْما تِحْلِفْ – كلامَكْ كُلُّهْ كِدْبْ
يا عامِلْ فيها مؤمِنْ – مِنْ غير حَرَام وحَلالْ
بِتاكُلْ حق غيرَكْ – وعايش في الضَلالْ
دا عينيك جوَّاها ضَلْمَة – مِنْ سَوادِ القَلْبْ ...!؟!..."
🌴~ {17} ~🌴
"قوتْ"
"... ياللي رَزَقْتْ الخَلايق ... وضَمَنْت ليها القوتْ
ما بينْ ضَعيفة وقويَّة – مِنْ دَودَة لِأكْبَر حوتْ
وَهَبْت بِالرِزْق الحياة – في كُل يوم بيفوتْ
لَكِنْ اللي حَيَّر فؤادي – هو سِرِّ الموتْ ...!؟!"
🌴~ {18} ~🌴
"قَلَقْ"
"... شُفْتَكْ يا تَايهْ في الوجودْ
... جوَّه الحياة – ما بينْ يَأْسْ وأمَلْ
... قَلَقْ م البِداية – وفي الآخِر مَللْ
... غافِلْ – وراحْتَكْ – في نور إله معْبودْ ...!؟!..."
🌴~ {19} ~🌴
"مَحَبَّة"
"... ياللي فاكِر ديانْتَكْ مجرد صلاة أوصومْ
راسِمْ في وِشَّكْ زبيبة – وقايمْ بيها قومْ
الدين حقيقتُهْ مَحَبَّة – وسُلوكْ طَيِّبْ يَدومْ
خَلَّصْ ضَميرَك لِرَبَّكْ – وياللَّا صَحِّي النومْ ...!؟!"
🌴~ {20} ~🌴
"إرَادة"
"... سُبْحانَكْ يا واهِب الحياة – بِنور جَمالَكْ 
أبْدَعتني إنْسان بِيَدَّكْ – على مِثالَكْ
وقُلْت لى آدي إراْدتَكْ – إِعْمِلْ ما بَدالَكْ
تخْتار ما بينْ خير وشَرْ – كُلَّها أفْعَالَكْ
خُلودْ في جَنَّة ولَهيبْ في نارْ – آخْرِة مآلَكْ ...!؟!"
🌴~ 🌴 ~🌴 
"كَلِمات وأشْعار"
 

 

 

 

 

 

 

 

المقالات المنشورة لا تعبر عن السياسة التحريرية للموقع وتحمل وتعبر عن رأي الكاتب فقط