EN 
قال زهير إحسان سمان مالك صيدلية "ستيفنسون" وابن مالكها الراحل "جورج ستيفنسون قرر يفتح فرع هنا في القاهرة.. اختاروا المكان وأخذوا مقاسات كلها وراحوا عملوا التصميم بتاعها والخشب والديكورات بتاعتها كلها اتعملت في إنجلترا وجاؤوا هنا مصر ركبوها وحطوها وضبطوا كل حاجة في مكانها وفي أواخر الأربعينيات والدي اشتراها ومن حبه ليها وللمكان محبش يغير فيها حاجة وسابها زي ما هي واحتفظ بيها".
وأضاف "مالك صيدلية ستيفنسون"، خلال حواره في برنامج "هذا الصباح" المذاع عبر فضائية "اكسترا نيوز"، إحنا بنرحب بأي حد يجي يتفرج عليها ودا بالعكس بنكون مبسوطين لما حد بييجي يتفرج وبنشرح له كل حاجة موجودة ودي كانت بتستخدم في أيه ودا كان بيستخدم إزاي والموازين وحاجات التنفس وأي حاجه قديمة هنا بيسأل عليه الزائر بنشرح له وبنفهمه إزاي الأدويه كانت بتتعمل ودلوقتي تعتبر انقرضت شوية".
وأشار "إحسان"، " إحنا شغالين كصيدلية وفي نفس الوقت المكان مفتوح للي عايز ييجي يزوره بس بنطلب الي عايز ييجي من 6 إلي 9 ما عدا الجمعة إحنا أجازة. الدنيا بتكون رايقه فنعرف نقف معاه ونشرح له كويس المكان والحاجات القديمة دى".
وأكد، أنهم يبيعوا الأدوية الحديثة، لكن الرفوف والجدران فيها ما زالت تحمل بصمات التاريخ والنشأة القديمة في أوائل القرن العشرين.
وأوضح، أنه اشتري هذه الصيدلية في أواخر الأربعينيات، وتركها على حالها دون تغيير حتى الآن.
