EN 
نصحت خبيرة تغذية، السيدات الذين يقومون بعمل "الريجيم"، بعدم التوقف، قائلة: "يا نكمله للآخر لحد ما نوصل للوزن اللي إحنا عايزينه، يا إما متعملهوش أصلاً .. عشان كده غلط و هنرجع نزيد في الوزن تاني".
وأضافت خلال برنامجها "صحتك وبس"، المُذاع على فضائية "صدى البلد 2"، قائلة: "لو انتي مش ناوية تكملي .. بلاش تاخدي خطوة الريجيم ده من الأول".
ونوهت أن الجسم لا يحرق دهون في 3 حالات، وهما: عند تناول السكر بكمية كبيرة، وعند الجلوس لفترة طويلة وعدم التحرك، وعند الاضطراب في تناول الطعام.
وتابعت أن هناك سبب رابع، ولكنه لم يتواجد إلا بنسب معينة، وهو المعاناة من مشكلة في القولون أو إصابة الشخص بـ الإمساك، معقبة: "كل ديه بتُسبب توقف حرق الدهون".
وشددت على ضرورة التحرك وتشغيل الكتلة العضلية، وبالتالي يزداد هرمون النمو الذي يعمل على حرق دهون الجسم.
