EN 
يستعد النجم، تامر حسني، لحفله الجديد بجامعة حورس، يوم الخميس 18 نوفمبر.
ونشر حسني بوستر ترويجي للحفل من خلال حسابه الشخصي بموقع التواصل الإجتماعي إنستجرام،وكتب من خلاله معلقا:"استنوني لاول مرة في جامعة حورس - دمياط الجديدة يوم الخميس ١٨ نوفمبر".
وكانت قد تخطت أغنية يا فرحة للمطرب تامر حسني، حاجز الـ 250 ألف مشاهدة عبر يوتيوب بعد طرحها بساعات.
الأغنية من كلمات وألحان تامر حسني و توزيع علي فتح الله.
وكان تامر حسني قد شوق جمهوره للكليب وكتب:"يا صباح الفل و الحب و التفاؤل على أغلى ناس ، أغنية يا فرحة مش هستنى تنزل الصيف اللي جاي.. عشان كدا قررنا نعملكم فكرة إن شاء الله تعجبكم وهتنزل قريب اوي اوي اوي و هنفرح بيها الفترة دي مع بعض وربنا يحقق لكل واحد فيكم الفرحة اللي مستنيها يارب".
وعلى جانب آخر كان النجم تامر حسني، وجه رسالة إلى المونتير عمرو عاكف أشاد فيها بموهبته في الجرافيك والمونتاج، كما بارك له على افتتاح مقر جديد لشركته.
ونشر نجم الجيل، عبر خاصية الأستورى بحسابه الشخصي بموقع تبادل الصور والفيديوهات الشهير إنستجرام، صورة تجمعه مع عمرو عاكف، وعلق عليها، قائلا:"يا عمرو يا حبيبي انت إنسان محترم و فنان كبير وتستحق كل التقدير والاحترام عشان مجتهد".
وأضاف:"عرفت في وقت قلیل توصل في مجالك المستوى العالمي و انا جنبك من زمان لإني شوفت فيك کدا من زمان ولسه عندك اكتر يا بطل و مبروك مليون مبروك على الصرح الكبير شركتك الجديدة، يارب كل النجاح ليك ولكل افراد شركتك".
ويأتي ذلك بعدما أعلن عاكف، عبر حسابه الشخصي بموقع التواصل الاجتماعي عن تعاونه في عمل جديد مع نجم الجيل تامر حسني بعد نجاح فيلم "مش أنا"، قائلا:"تامر حسني اخويا الكبير وحبيبي اول واحد بيباركلي على أى نجاح واول واحد كان جمبي في ازمتي الاخيرة .. بيديني طاقة ايجابية غريبة بقعد اتكلم معاه بتعلم كل حاجة .. مهما قولت صعب اوصف جدعنتك وحقيقي اد اية انت ملهم لاي حد يعرفك وقريب منك، كليب جديد ونجاح جديد ان شاء الله".
