مشوارى مش بطال وسهيرالبابلى عفوية كبيرة.. 10 تصريحات جريئة لـ شريف منير

حل الفنان شريف منير ، ضيفا فى برنامج “ الكلمة الأخيرة ” الذى تقدمه الإعلامية لميس الحديدى على قناة أون تى فى .

وفى هذا التقرير ننشر لكم أبرز تصريحات شريف منير خلال برنامج الكلمة الأخيرة  فى السطور التالية : 

1-  مشواري الفني مش " بطال " لكن كان متعب  أعقبه الإحساس بالمتعة

2-  انتقائي للأدوار أثر جداً  على تواجدي  لدرجة أن أحمد رزق سألني  : قلي إنت هتبطل   تمثيل؟ 

3-  ساعات جداً ببقى مزنوق وعايز فلوس وعاوز اشتغل عشان المصاريف   وعندي أقساط والتزامات بس بلاقي نفسي مش قادر لازم أعمل الي مقتنع   بيه 

4- صلاح جاهين كان طفل جداً وشخصية وطنية جداً  وساحر في حواره ويتحدث عن كل الأعمال صغار وكبار 

5- سعاد حسنى كانت حساسة أوي وهي  بتقرأ السيناريو كانت متأثرة دائماً وتعبانة وكانت كثيرة الاكتئاب وصلاح جاهين كان محضتنها  كويس جداً ومكنتش تعرف تتحرك دون رايه وكان بينهما مزاحاً كبيراً وأفشات وتفاصيل شخصية ".

6- أنا بحب " ويجز " لأنه شاطر ومجتهد  وبيقول كلام كويس ومش وحش  ".

7-  أعتقد لو كان الأستاذ صلاح جاهين عايش كان هيحب  ويجز

8- هانى شاكر ماينفعش يمنع موسيقى ولو حد عنده طاقة غنائية كويسة  وبيعرف يغني وحتى لو صوته أجش

9- ضد منع المغنيين الي بيغنوا كويس لكن مع منع الكلام الخارج  اللي  يبوظ جيل بمفرداته الوحشة ".

10- سهير البابلي كانت من الفنانات  اللي كانت متحمسة لي جداً وعملت  معها   في  بكيزة وزغلول ومسرحية لم تصور  وهي " نص أنا ونص إنتي “ وكان دوري أكبر فيها وإخراج الأستاذ حسين كمال   وكنت مستمتع جداً بالعمل  معه وكان دور مهم  جداً وكان   فيه سهير البابلي   وإسعاد يونس   ” 

11 - سهيرالبابلى  عفوية كبيرة وإرتجال مفاجيء  على المسرح لدرجة أنها بتخلي الناس تنطط على الكراس وكانت بتدين ثقة في نفسي كبيرة جداً ودمها خفيف في الكواليس والمسرح وهي  سخنة جداً وإيقاعها سريع جداً