السيسي: نحتاج مشاركة شباب كلية الذكاء الاصطناعي في بناء نظم المدن الذكية

قام أحد طلاب كلية الذكاء الاصطناعي بجامعة كفر الشيخ، بطرح أحد الأسئلة على الرئيس السيسي، قائلاً: "نتمنى أن احنا ككلية نشارك في تطبيق تقنيات الذكاء الاصطناعي في المدن الجديدة اللي بيتم إنشاؤها، مثل العاصمة الإدارية، ومدينة نور .. وبكده نقدر نوفر وقت ومجهود ومصاريف كتير جداً".

ورد الرئيس السيسي خلال زيارته لـ كلية الذكاء الاصطناعي بجامعة كفر الشيخ، على الطالب قائلاً: "احنا محتاجين فعلاً الشباب المتعلمين في كلية الذكاء الاصطناعي أنهم يعملوا في المدن الجديدة .. يدخلوا في بناء النظام، ثم صيانة وتشغيل النظام واستمراره".

وتابع الرئيس السيسي: "ده مش طلب مني .. ده مطلب مني ليكوا .. احنا محتاجين ده .. وانتوا بردو محتاجين ده ككلية وككليات مماثلة إننا نعملكوا زيارات للمدن الموجودة بالفعل .. وتشوفوا الدنيا فيها إيه اللي شغالين فيها .. وتاخدوا فكرة عشان عقبال ما تتخرجوا .. هتكون الشركات اللي هتقوم بعملية التشغيل والصيانة محتاجة شباب زيكوا".