EN 
"جوزي من 3 سنين أصيب بانسداد في الشرايين، والدكاترة قالوا لازم يعمل عملية قسطرة وللأسف معملهاش للنهاردة، وتفاجأنا بظهور جلطات بقدميه".. بهذه الكلمات بدأت مريم علاء، ابنة محافظة سوهاج، حديثها لـ صدى البلد، عن مرض زوجها جليس الفِراش.
وأكدت الزوجة العشرينية، أن زوجها أصيب بانسداد في الشرايين ما استدعى وجوب عملية قسطرة له، لكنه لم يستطع إجراءها حتى الآن لمروره بضائقة مالية منذ انتشار فيروس كورونا، حيث كان يعمل لدى إحدى شركات البحث التسويقي، والتي اضطرت إلى تخفيف العمالة مع بداية الجائحة.
وأصيب الشاب الثلاثيني بجلطات دموية بقدمه اليُسرى ثم انتقلت إلى قدمه اليُمنى؛ إثر عدم دخوله عملية القسطرة منذ ثلاث سنوات وحتى يومنا هذا، ما جعل الشاب يجلس الفِراش لا يستطيع العمل لعدم قدرته على المشي بشكل طبيعي.
جوزي محتاج عملية.. الحقوني
واستكملت مريم علاء حديثها قائلة:"روحت بيه مستشفى سوهاج الجامعي اكتر من مره كل مره اطلع بيه الأوعية الدموية يكتبوا له نفس العلاج ويمشي عليه لكن للأسف مش بيتم شفاؤه ولا بيجي على العلاج ولما اروح واشتكي للدكتور اللي كشف عليه يقولي هو مفيش غير العلاج ده... الناس بيقولوا لي لو دكتور في عيادة هيعمله عملية ينضف فيها قدميه من اللي فيها ده ويغير ع الجرح كل يوم وكده".
واستكملت "طب جوزي مش بيشتغل دلوقتي وانا ربنا بيرزقني برزقهم بعد مرار يوم طويل من مشقة وتعب أجيب منين تمن كشف عند دكتور أوعية دموعية وتمن عملية هتكلف زي ما تكلف يعلم الله ما معايا قوت يومي ده... بناشد أصحاب القلوب الرحيمة يجوا ياخدوا جوزي من إيده كده ويكشفوا عليه ويعملوا له اللازم انا جوزي لو حصله حاجه هيتكسر ضهري انا وبناتي ارحمونا يرحمكم الله".
