شاب يضرب فتاة في الشارع ويشرح ذراع من يدافع عنها بالموس.. فيديو

استغاثت مدربة الطاقة الإيجابية ريهام علام بالحكومة لرجوع حق شقيقها  بعد ان تعرض للايذاء من شاب يضرب فتاة في الشارع محاولا الدفاع عنها .

و كتبت ريهام علام  عبر حسابها بموقع التواصل الاجتماعي انستجرام : واضح ان موضوع نيرة ده هيتكرر كتير ، اللي في العربية البيضاء أخويا وأولاده كريم علام البنت دي كانت ماشيه و فجأة الولد ده يعترض طريقها و يزعقلها الراجل كبير تدخل و بدأ يزقه أخويا نزل و بعدها لما عدت البنت ضربها الولد بطريقة جامده بالرجل في المنطقه العلوية من جسمها.

و تابعت : ده ظاهر في الفيديو بس ركزوا بدء اخويا يدافع عنها و ولد طلع موس و شرح ذراعه وطلع جري علي المستشفي و زي ما انتم شايفين منظر ولاده في العربيه.الكلام ده في دمنهور في شارع عبد السلام الشاذلي عند المحافظه حتي مش شارع جانبي ..حق اخويا لازم يرجع اللي مرديش يتخلي عن بنت لان عنده اخته و بنته و مراته و عارف الذعر اللي هتكون في واحدة ست قي وضع ده ساعدوني اجيب حق اخويا.

واختتمت حديثها : انا بنت اخويا عندها ٧ سنين بتقول انا مش هنزل الشارع تاني ، ليه بناتنا يعيشوا في ذعر وهم لسه اطفال ، من فضلكم منشن وًشير لاي جهة حكومية أجيب حق أخويا.