ممدوح السباعي يكتب : رصاصة في قلبك

رصاصة ف قلبك يا اللي
تخون الوطن
رصاصة ف قلبك يا اللي مليت
العيون دمع وشجن
اللي بين ضلوعك دا قلب
ولا حتة حجر
شفتوا يا بشر
دمعة الطفل اليتيم
لما من صغره شارك ف المحن
رصاصة ف قلبك يا اللي
تخون الوطن
شفتوا ام بتموت م الألم
والاب بيصلي الجنازة علي جثة
ملفوفة ف علم
اكتب يا قلم
وامسح دمعتك واوعاك تموت
خلي جبال الصمت تتكلم
قبل ما عمرك يفوت
اكتب عن مينا اللي مات في سينا
ورصاصة الغدر اللي صابت حسن
رصاصة ف قلبك يا اللي
تخون الوطن