نشوى مصطفى تقدم حلا لأزمة ارتفاع الأسعار

قدمت الفنانة نشوي مصطفي حلا من وجهة نظرها لمواجهة ازمة ارتفاع سعر الدولار في السوق الموازية.

وكتبت نشوى عبر حسابها علي موقع التواصل الاجتماعي فيس بوك: "بمناسبة الناس اللي بيندبوا علشان سعر صرف الدولار وعلشن اقتصادنا الى فى النازل وعلشان الناس اللي مش لاقية تاكل طيب خدوا منى الكلمتين دول زمان كنا بنقف طابور فى الجمعية علشان ناخد فرخة على بطاقة التموين لكل اسره فرخة واحدة وكنت بتشوف واسطة او ندفع رشوة علشان نجيب اتنين كيلو لحمة جمعية ".

وتابعت: "زمان كان ابويا بيعمل جمعية فى الشغل مع صحابه علشان يقبضها اول السنة الدراسية علشان مايقدرش يدفع مصاريفنا من مرتبه زمان كنت باقدم شهادة فقر علشان اخد كتب الجامعه ببلاش لان مرتب ابويا مابيكفيش زمان ماكنتش اقدر اشترى هدوم من وسط البلد فكانت امى بتفصل لنا علشان مافيش فلوس كان اقتصادنا طين ليه ؟؟ كنا طالعين من حالة حرب دلوقت بقى احنا بنحارب،  بنحارب بجد اللي ليه قريب مجند فى سينا يسأله لو مش عارف واللي ليه قريب فى السياحة يسأله ليه مافيش سياحة لو مش عارف واللي ليه قريب كان بيشتغل فى مصنع من مصانع العاشر او ستة اكتوبر يسأله ليه قفلوا المصنع لو مش عارف واللى عنده نظر يشوف اللي بيحصل حوالينا فى بلاد عربية شقيقه ويركز فى مصيرهم ".

وختمت: "واخيرًا انا عارفة اننا فى كارثة وبعانى منها زي كل اهل مصر بس بمنتهى الرجولة حاستحمل وحاقدر لو الظروف حكمت اصوم طول السنة علشان اكل طقة واحدة فى اليوم، وحاقدر استحمل ان بنتى تتأخر ترم او حتى سنة دراسية لو ماعنديش مصاريفها انا ست مصرية مصرية بجد انا فى حمى جيش مصر انا مصدقة فى الرئيس اللي انتخبته بكل ارادتى وباشوف هو بيعمل ايه وولاد ال*** اللى بيحاربوه علشان مصر تبقى زى اللي حواليها اللي شايف انى تقيلة على قلبه وانى قناعاتى ضد قناعاته وان حبى لبلدى حيضايقه يطلع بره وياخد الباب فى ايده وتحيا مصر رغمًا عنهم ان شاء الله.