EN 
أذاع الإعلامي أحمد موسي، مكالمة مُسجلة للدكتور محمد البرادعي مع الدكتور زياد العليمى، النائب السابق بالبرلمان، حيث قال فيها الأخير: «إنه حال عدم الأخذ بالتعديلات التي نتبناها في ورقة المبادئ الدستورية.. البلد هاتولع».
وردَّ البرادعى قائلاً: «ناس معندهاش أخلاق.. إحنا بنشتغل على ورقة مبادئ دستورية.. حاجة حقيرة والله.. أنا مش هروح أحضر اجتماعات»، مضيفاً: «أنا قلت لإبراهيم المعلم قبل كده الأمر لازم يبقى متكامل.. وبلغهم يا زياد إن الائتلاف هيقدم ورقة.. هو يشوف ورقتنا ويروح يقدم ورقة هو.. هل تروح بكرا وتبلغهم إننا لن نوقع معهم».. فردَّ "العليمى": «هما هيتخانقوا.. وحمدين صباحى مش هيرضى يمضى معاهم هو بيشتغل على عودة الأمن ..وعمرو موسى مش هيوقع معاهم وهو مش عارف إحنا بنعمل إيه.. بس فى الغالب مش هيوقع معهم».
وواصل "زياد" قائلاً: «هما عايزين لجنة الحكماء تخلص.. خليهم يشوفوا ميلاد جديد لها» فرد البرادعى: « أنا مش فى لجنة الحكماء الزفت دى دول راحوا لعمر سليمان وعايزين أبو المجد.. دى عملية مش نضيفة.. هما اتصلوا بيك ولا حاجة.. بلغهم احنا بنعمل ورقة.. ده كلام فاضى.. انا بلغت المعلم إحنا بنعمل مع ائتلاف المحامين وحقوق الإنسان وأحسن إن إنتم مترحوش .. وأنا مش هوقع على حاجة .. وهوقع على ورقتين متشابهتين».
وسأل "البرادعى" العليمى: «إحنا ورقتنا هتكون جاهزة امتى» فأجاب "العليمى": «خلال يومين ونعرضها على الإخوان.. إيه علاقتك بالكتاتنى وشباب الإخوان على مقربة منى أوى» فرد البرادعى: « نعرضها على شباب الإخوان ونعرضها على الفيس بوك بتاعنا ونقول إنها موضوعة للنقاش .. ومعنديش مشكلة أروح لأى حد إلا الجماعة المنتفعين دول .. كلام المعلم انتهازى ومش أخلاقى».
