السيسي :لن تقوم مصر إلا بصبر شعبها والعمل والتضحية.. فيديو

قال الرئيس عبدالفتاح السيسي،: "مش هزايد عليكم ولا أخدعكم، الظروف اللي مرت على مصر.. مصر حاربت كام حرب وتكلفتها كام ،حروب 56 واليمن 67 و73 بكام"، مُضيفًا:" بعد كده كان فيه توجه للدولة بشكل وبعد 73 و 77 بقى شكل تاني ولكنه لم يكن المنظم والمخطط بشكل جيد يحقق أهدافنا".

واضاف "الرئيس"، خلال كلمته بالمؤتمر الدوري للشباب المنعقد في الإسماعيلية الآن: "تصوروا لو كان السادات معملش السلام، كان الناس كلها وقتها بتقول الراجل ده خان القضية، لكنه كان قاعد مكاني هنا وكان بيفكر فيها وفي مستقبلها وعرف ان الحل بأننا نفك نفسنا من الحروب والضياع، ولما عمل الإصلاح في 77 تحركنا ضد الإصلاح فتراجع عن الموضوع لان الأمور خرجت عن السيطرة".

وتابع: "هفضل اتكلم طول ما موجود معاكم لن تقوم مصر إلا بصبر شعبها وعمله والتضحية، أي حد تاني ممكن يحل المسألة بشكل مختلف.. وأنا لن أتخلى عنكم إلا إذا انتم قولتولي امشي"، مُضيفا: "انتو أمنتوني عليها وعلي نفسكم ولو أنا صادق يوصلكم صدقي..
يامصريين أنا عملت المؤتمر الشهري ده كل شهر عشان تسمعوا وتستحملوا شوية معايا".