ﻣﻮﻗﻊ ﺻﺪﻱ اﻟﺒﻠﺪ

صدى البلد
الإشراف العام
إلهام أبو الفتح
رئيس التحرير
أحمــد صبـري
مدير التحرير
صفاء نوار

أبرز 10 تصريحات للرئيس السيسي بمؤتمر الشباب: زيادة أسعار المترو من أجل الشعب.. ولو حد قالي ارحل هقول سلام عليكم.. ومليون موظف اتعينوا بالمظاهرات.. فيديو

الأربعاء 16/مايو/2018 - 06:15 م
الرئيس عبد الفتاح
الرئيس عبد الفتاح السيسي
عمرو ممدوح
شهدت جلسات مؤتمر الشباب الدوري الاربع، العديد من التصريحات الهامة للرئيس عبد الفتاح السيسي، حول القضايا المثارة على الساحة، وتهم المواطنين، وإلى أبرز التصريحات ..

السيسي عن ارتفاع أسعار تذاكر المترو: "لازم نتعب شوية"



أكد الرئيس عبد الفتاح السيسي، أنه تحدث عن رفع أسعار تذاكر المترو، لأنه يتوقع أن يتم توجيه العديد من الأسئله له خلال فقرة "اسأل الرئيس"، ولذلك استفاض في الحديث عنها.

وقال السيسي، خلال كلمته في الجلسة الثانية بعنوان "رؤية الشباب للدولة المصرية" بالمؤتمر الدوري الرابع للشباب، «يعني نقفل الخط بتاع حلوان يا جماعة، نقفله، إحنا كدولة بنحاول نحل الوضع بقدر الإمكان، الـ30 مليار القرض اللى هخدهم عشان أطور بيهم خط حلوان هيبقوا سلف وكده مش هنبقى بنحل، هنبقى بنزود الأحمال على الأجيال القادمة، يبقى علينا التعب شوية».

وتابع الرئيس: «يا جماعة شوفوا العالم بيعمل في بعضه إيه الدول الكبيرة اللي عندها اقتصاديات قدنا 100 و1000 مرة، بيعملوا إيه عشان ياخدوا موارد ويستفيدوا من إمكانيتهم».

واستطرد: «في مصر معندناش ترف إننا نأجل أو مندخلش التحدي، لو مخدناش القرار يبقي إحنا قصرنا في حقكم جميعا، لأن ده مش قرار حكومة ده قرار الدولة».

السيسي مطالبا وزير النقل عدم الاعتذار للشعب: «قرار الأسعار من أجلهم»



علق الرئيس عبد الفتاح السيسي، على القرارات الأخيرة بشأن ارتفاع أسعار تذاكر المترو، وقال: "لو أنا مخدتش القرار يبقي قصرت فى حقكم جميعًا"، موضحًا أنه ليس قرارا حكوميا ولكنه قرار دولة وليس مفاجئا.

وقال "السيسي" خلال كلمته بالجلسة النقاشية عن رؤية الشباب للدولة المصرية خلال الأربع سنوات القادمة بالمؤتمر الوطنى الخامس للشباب اليوم الأربعاء، لوزير النقل هشام عرفات: "بتطلع فى التليفزيون بتقول سامحونى عشان أسعار التذاكر.. سامحونى على إيه يا دكتور مفيش قدامك خيار تانى".

السيسي: "لو حد قالي ارحل هقولكم سلام عليكم"



وجه الرئيس عبد الفتاح السيسي، كلمة للشعب المصري بشأن ارتفاع أسعار تذاكر المترو، قائلا: "إحنا مش جايين نقعد يومين معاكم نضيعكم ونمشي.. لا والله إحنا بناخد القرارات الصعبة".

وأوضح "السيسي" خلال كلمته بالجلسة النقاشية عن رؤية الشباب للدولة المصرية خلال السنوات الأربع المقبلة بالمؤتمر الوطني الخامس للشباب، اليوم الأربعاء، أنه إذا لم يتخذ القرارات الصعبة لن يتخذها أحد بعده، معلقًا: "محدش هياخد القرارت دي عشان محدش يقوله ارحل .. لكن انا لو حد قالي ارحل هقولكم سلام عليكم".

السيسي: إزاي كلية تجارة يبقى فيها 70 ألف طالب



قال الرئيس عبد الفتاح السيسى، إن التعليم الموجود في مصر لا يوفر فرصة جيدة للخريجين، موضحًا أن كلية الآداب بها 100 ألف طالب، ومئات الآلاف من مختلف التخصصات.

وأضاف "السيسي" خلال حديثه خلال وقائع جلسة رؤية الدولة المصرية للسنوات الأربعة المقبلة، أن الشباب يحبط لعدم توفر فرص العمل ولعدم جاهزيتهم بسوق العمل، مستنكرًا أنه في جامعة واحدة يوجد بها 70 ألف طالب في كلية تجارة، ما يؤكد وجود نمو سكاني مع سوء إعداد الدولة لأبنائها في الدخول لسوق العمل.

السيسي: مليون موظف اتعينوا في 2011 بالمظاهرات «فيديو»



قال الرئيس عبد الفتاح السيسي، إن الجهاز الإداري للدولة يمثل تحديًا، مشيرًا إلى أنه لا يعمل بالشكل الذي نتمناه والذي يليق بمصر، لافتًا إلى أنه تم تعيين مليون موظف في 2011 بالتظاهرات، وأن المعينين لا يوجد لهم أي أحد أو واسطة داخل الجهاز.

وأضاف "السيسي" خلال حديثه في وقائع جلسة رؤية الدولة المصرية للأربع سنوات المقبلة، أن الجهاز مشبع بالعمال، وتم زيادة مليون عليهم بالمظاهرات، كما تم تعيين 25 ألف موظف في وزارة الطيران في تخصصات بعيدة عن المطلوب، مؤكدًا "ما أقدرش أمشّي الناس دي ومحدش يقدر خالص"، موضحًا أنه يجب على كل المصريين أن يدفعوا الفاتورة التي على مصر.

السيسي عن أحداث المترو: «مواصلات القطاع الخاص ممعكش متركبش»



علق الرئيس عبد الفتاح السيسي، على الأحداث التي أعقبت رفع أسعار تذاكر المترو من أجل صيانة المرفق.

وقال الرئيس السيسي: «ساءني جدا إن حد بيقول الناس مش قادرة، هو إنت بتركب أي مواصلة تانية قطاع خاص تقوله معييش يقولك معلش، ممعكش مبيركبكش، أي مواصلة في قطاع خاص ممعكش مش هيركبك».

وتابع الرئيس، خلال كلمته في الجلسة الأولى بعنوان "تفعيل الحياة الحزبية" بالمؤتمر الدوري الرابع للشباب، «عاوزين بلد ذات شأن ولا لأ، يبقى لازم نتعذب، مش الهدف التعذيب بس لازم نتعذب، ليه لأن هو ده التحدي بلد ظروفها الاقتصادية على مدار سنين طويلة ولا عشرين ولا تلتين ولا أربعين أنا بتكلم في خمسين سنة».

«أنا بقول إن المؤتمرات دي فرصة نسمع بعض ونعرف حالنا، ومش عاوزين ننسى، الحكومة لما بتتكلم معايا بقولها دايما الوقت، طب ماهو الدكتور طارق الملا لما بيكلمني عن حقل ظهر بيقولي 2022، قلتله لسه هستنى أنا عاوز الفلوس دلوقت، لأن الفلوس لو مجتش في الوقت ده الأزمة هيبقى التحدي أكبر، وقعدنا واتكلمنا عشان نحل المسألة دي».

الرئيس السيسي: «الإصلاح مش صلاة وصوم بس»



قال الرئيس عبد الفتاح السيسي إن «الاقتصاد غير الرسمي مهم جدا، هو الناس اللي بتشتغل وبياناتها مش موجودة لدى الحكومة وملهاش أي وثائق خاصة بيها، الناس فاكرينا عاوزنهم معانا عشان الضرايب لكن أنا بقولكوا ادخلوا الاقتصاد الرسمي ومعاكوا 5 سنين إعفاء».

وأضاف الرئيس، خلال كلمته في الجلسة الثانية بالمؤتمر الدوري الرابع للشباب: «ادخلوا عشان لو حابين تكبروا الصناعة بتاعتكوا تقدروا تدخلوا البنك وتاخدوا منه وتكبروا صناعتكم، لأن ده اللي بيضخ في المجتمع وبيصرف على ناس كتير إحنا مش شايفنهم، لأن بياناتهم مش واصلالنا، وده اللي مخلي ناس تاكل عيش رغم التحديات اللي مرت بيها الدولة خلال 7 سنين».

ولفت الرئيس إلى أن أصحاب الاقتصاد غير الرسمي لا يرغبون في سداد تأمينات للعاملين لديهم، قائلا: «خلو بالكو تصور إن ابنك بيشتغل عند حد وملوش تأمينات، وكبر ومبقاش قادر يشتغل، إوعوا تفتكروا إن الإصلاح صلاة وصوم بس، الإصلاح إنك تصلح الناس كمان، وتحافظ على حياتهم وعلى مستقبلهم».

الرئيس السيسي يدعو الاقتصاد غير الرسمي للدخول في القنوات الرسمية .. وإعفاؤه 5 سنوات من الضرائب



قال الرئيس عبد الفتاح السيسي إن «الاقتصاد غير الرسمي مهم جدا، هو الناس اللي بتشتغل وبياناتها مش موجودة لدى الحكومة وملهاش أي وثائق خاصة بيها، الناس فاكرينا عاوزنهم معانا عشان الضرايب لكن أنا بقولكوا ادخلوا الاقتصاد الرسمي ومعاكوا 5 سنين إعفاء».

وأضاف الرئيس، خلال كلمته في الجلسة الثانية بالمؤتمر الدوري الرابع للشباب: «ادخلوا عشان لو حابين تكبروا الصناعة بتاعتكوا تقدروا تدخلوا البنك وتاخدوا منه وتكبروا صناعتكم، لأن ده اللي بيضخ في المجتمع وبيصرف على ناس كتير إحنا مش شايفنهم، لأن بياناتهم مش واصلالنا، وده اللي مخلي ناس تاكل عيش رغم التحديات اللي مرت بيها الدولة خلال 7 سنين».

ولفت الرئيس إلى أن أصحاب الاقتصاد غير الرسمي لا يرغبون في سداد تأمينات للعاملين لديهم، قائلا: «خلو بالكو تصور إن ابنك بيشتغل عند حد وملوش تأمينات، وكبر ومبقاش قادر يشتغل، إوعوا تفتكروا إن الإصلاح صلاة وصوم بس، الإصلاح إنك تصلح الناس كمان، وتحافظ على حياتهم وعلى مستقبلهم».

الرئيس السيسي يكشف أسباب الزيادة فى تذاكر المترو الآن



كشف الرئيس عبدالفتاح السيسي عن أسباب زيادة أسعار مترو الأنفاق في الوقت الراهن، لافتا إلى أن الدولة لا تمتلك رفاهية تأجيل قرار إصلاح مترو الأنفاق.

وقال الرئيس، إن وزير النقل الدكتور هشام عرفات أبلغ منذ أكثر من عام، بأن الخط الأول للمترو سيخرج عن الخدمة بسبب تدهور حالته، لافتًا إلى أن هذا الخط يحتاج إلى 30 مليار جنيه للصيانة لرفع كفاءته.

وأضاف "السيسي"، خلال حديثه بوقائع جلسة "رؤية الدولة المصرية للأربع سنوات المقبلة"، أن القرض الذى تم تدشين المترو به لم يسدد حتى الآن، مشيرًا إلى أنه يجب على كل المصريين المساهمة فى تسديد الدين على مصر، مؤكدًا أن التحدي الموجود فى البلاد أكبر من أى حكومة أو رئيس.

وأوضح الرئيس أنه لم يتم سداد قيمة القرض الأول الذي تم إنشاء الخط الأول لمترو الأنفاق من خلاله، وأن الدولة تتحمل فوائده حتى اليوم، مشيرا إلى أن مترو الأنفاق لم يوفر حتى تلك الأيام مصاريف تشغيله والتي تتضمن أجور العاملين والصيانة.

وتابع الرئيس: "لو بتركب أي مواصلة قطاع خاص ومفيش معاك فلوس مش هيركبك.. واحنا عايزين البلد تقوم وتكون ذات شأن يبقى لازم نضحي ونتعذب علشان دا التحدي لمواجهة الظروف الاقتصادية الصعبة على مدار السنوات الطويلة".

السيسي: هناك قصور بالبنية التحتية في مصر



علق الرئيس عبد الفتاح السيسي على أحداث غرق التجمع الخامس نتيجة سقوط الأمطار بكثافة عليها، قائلا: «الناس بيجلها حالة من الفزع لما بتحصل أزمات زي دي، يا جماعة الكلام ده حصل في أستراليا وتركيا والأردن وشفتوه في التليفزيون، دي ظروف استثنائية».

وأضاف السيسي، خلال كلمته بالجلسة الثانية لمؤتمر الشباب الوطني الخامس، «وحتى لو البنية الأساسية هناك فيها قصور وأنا بعترف إن فيها قصور، ومش هناك وبس.. ده في قصور على مستوى الدولة كلها».
ads

تعليقات فيسبوك

تعليقات صدى البلد

ﺗﺼﻮﻳﺖ

هل تؤيد مقترح تقليل الدراسة بكليات الهندسة إلى 4 سنوات؟

هل تؤيد مقترح تقليل الدراسة بكليات الهندسة إلى 4 سنوات؟