EN 
تداول رواد موقع التواصل الاجتماعي فيسبوك صورة لافتة رفعها أحد معلمي اللغة العربية في مدخل مركز الدروس الخصوصية الذي يعطي فيه حصصا للطلاب.
وجاء مضمون هذه اللافتة التي قيل إنها تحمل رسالة من المعلم لطلابه: ممنوع الدخول بالشورت والبنطلون والتيشيرت المقطعين وممنوع لبس الحظاظات و السلاسل وحلاقة القزع
وقد قوبلت هذه اللافتة بسيل من تعليقات رواد الفيس بوك ، حيث قال أحمد حسب الله : دي التربيه والتعليم، ده واحد عنده رسالة مش بيلم فلوس وخلاص
وقالت حنان الديب : كده محدش هيروحله الدرس، لأن كل الطلبه دلوقتي بنفس المواصفات اللي كاتبها المدرس
وقالت سناء ابراهيم : ماشاء الله ياريت الكلام دة يطبق فى كل مكان
وعلقت منى محمد : ياريت تبقى دي الشروط فى كل المدارس والكليات والمعاهد مش السنتر بس ، عشان الوعى غاب عن البيوت ، ربنا يكتر من امثالك
وقال محمد عبد العظيم : راجل محترم وهيخرج جيل عندو أخلاق وقيم وياريت كل المدرسين يربوا الجيل على الأخلاق لنكون في مجتمع ناهض أخلاقيا وعلميا
بينما انتقده عبد الرحمن ابراهيم قائلاً : هو لما كان شاب في سن الطلبة كدة مكنش بيلبس ع الموضة ؟
وقالت رشا محمد : الأصح انك تدخلهم وتفهمهم إن الي بيعملوه غلط عن اقتناع ، وفي الحالة دي هما حيقنعوا مئات غيرهم بالي انت عاوزه
وقال محمد عبد الفتاح : مش عارف الناس بتشكروا على ايه .. تمام انا هاعمل كده وانا رايح السنتر وطب بره السنتر ؟؟ ، حضرتك ماغيرتش حاجة غير انك نفذت اللي ف دماغك يعني بردو الجيل مش هايتغير
تعليمات عاجلة بشأن زي الطلاب والمعلمين في المدارس
جدير بالذكر أن هذا المنشور تم تداوله بعد ان ألزمت وزارة التربية والتعليم والتعليم الفني أمس الثلاثاء جميع طلاب المدارس في مصر بارتداء الزي المدرسي في المدارس طوال العام الدراسي الجديد 2022 / 2023
وشددت وزارة التربية والتعليم والتعليم الفني على جميع المدارس بعدم إجبار الطلاب على شراء الزي المدرسي من أماكن بعينها.
كما أصدرت وزارة التربية والتعليم والتعليم الفني ، تعليمات رسمية مشددة تلزم المعلمين في جميع المدارس بارتداء الملابس التي تليق بمكانتهم في المدارس باعتبارهم قدوة يحتذى بها.
