كواعب البراهمي ‎تكتب: حلم البنات

حلم البنات
فاكرة طبعا ..زلسة فاكرة
لما كنت تمسك أيدك بأيديا
لما كنت تخاف عليا
لما كنت بتناديني يا حبيبتي

فاكره طبعا – لسه فاكره
لكن العمر الي راح
عمره ما يرجع

والألم الي شفته لسه باقي
والعيون الي كانت بتضحك
بقيت دلوقتي بتدمع

أيوه فاكره
فاكره كنت تخاف عليا قد أيه
ولما كان الشوق بيبعد
كنت دايما بتناديه

كنا نسهر – كنا نحكي
كنا نتكلم كتير
عن حياتنا وعن شقانا
عن أملنا في هوانا
وعن قصة غرامنا
والحلم الي عاش معانا

فاكره طبعا لسه فاكره
كنت بتقول لي أن الحياة
من غيري متبقاش حياة
وأن حبي هيبقي بقلبك
لحد مايبلغ عمرك منتهاه

كنت بتقول لي يا عمري
كنت بتقول لي يا قمري
كنت نور حياتك
لما حياتك كانت بسيطة
كنت بصدق كلامك
وأتاريني كنت عبيطة

كنت فاكره ان الحب
ممكن يعيش سنين
وأن اللحظة الحلوة
الي كانت بتجمعنا
هتبقي هيا هيا لما
تتلاقي الايدين

أتاريني كنت يومها صغيرة
والأماني والامال
كانت طريقها قصيرة
وأتقابلنا بعد فترة
لكن راحت فين الضحكة
الي كانت منوره

فات عليها عمر وعدي
ودوب حتي السكات
كل دي قصة حكايا
دايما تحكيها البنات
وتفضل تعيش عليها
وعالفات من الذكريات

وتبقي فاكره
أن العمر لو رجع
هتختار الي علمها الكلام
والي عرفها معني الغرام

مش عارفه
أنه هو هو نفس الشخص
بس مش قادر يقول
نفس الكلام
لان زي ما عمرها عدي
هو كمان عمره عدي وفات
هي دي القصة الحزينة
واللي مكتوبة علينا
يحكيها جيل لجيل
من البداية للمات