مصر باقية‎ بقلم ثروت سلامة

الفقير هو نفسه في عصر مبارك ومرسى والسيسي لأن دي ارزاق الفكرة مين فيهم يخلي البلد تساعدك على تحقيق طموحاتك او طموحات ولادك من بعدك .. الفكرة في اللي بيغير الارض ويمهدها لعصر جديد خالي من الفساد والمحسوبية ان امكن ويغير فكرتك عن ان مصر مجرد مأوى مش وطن لازم تفكر وتعرف ان في تغيير حقيقي ملموس وان نتايجه هتعود على ولادك مستقبلا فالزرع لا يحصد بين يوم وليلة ده احنا المصريين اللي علمنا الدنيا معنى التوفير وربط الحزام عشان نشترى بيت او محل كمشروع نعيش منه ونحسن حياتنا بايدينا بالحلال

مينفعش نحن لايام التبعية والانتخابات اللي كانت من غير صوتك صوتك اللي هو بيمثل وجودك ...
اختار ما بين نص بطن بكرامة وبطن مليان بقلق وخوف وفساد كان بينهش في بلدك اللي كل شبر فيها ملكك
الحكام ايامهم طبيعي بتخلص ومصر باقية لاهلها اللي هم بس اللي بيحكموها ويختاروا رئيسهم ونواب مجلسهم الشعب اللي جيشه وشرطته من ولاده والقضاء حتى الرئيس كلنا مصريين ودي بلدنا نتعب بيها وعشانها ونحافظ عليها لأننا من غيرها ولا حاجة
راجع نفسك وساعد بلدك عشان هي بلدك .