د. أشجان نبيل تكتب: أبدا لن أنساك

وبين قلبي وعقلي وقعت في الفخ أسير
وبقيت تايه وغرقان ومش لاقي ليا حتى بر أقدر أرسى عليه
يا ترى أبقى في حزني ولا أدخل في الفرح واطير؟؟؟؟؟؟؟؟؟؟
يا ترى أدور على مصلحتي ولا ادوس على أحلام الغير؟؟؟؟؟؟؟؟؟؟؟
يا ترى أحب نفسي ولا أكره الناس وابعد عن الخير؟؟؟؟؟؟؟؟؟؟؟؟

وهو ده الصراع الكبير والخطير اللي بيدور في ضميرنا، الصراع ما بين عقلنا وقلبنا واللي أصلا مرتبط بالخير والشر اللي جوانا اللي اتولد معانا.. آااااااااااااااه؛ بس لعلمكم إحنا اللي بنختار نمشي إزاي ولغاية فين، بس برده اللي لازم نعرفه إننا ضروري نمشي ونكمل مع السطرين، نفكر بعقلنا ونحس بقلبنا ومينفعش فيهم حاجة تتغلب على التانيه لأنهم وببساطة بيكملوا بعض.

خد بالك!!!!!!! إوعى تفتكر إن الطيبة والتسامح والأخلاق هتخلي الناس في الدنيا تقدر تستغلك وتضحك عليك، واللي لازم نفهمه كويس إن اللي حب نفسه وبس خسر حب الغير وهيعيش في الحياة وحيد وأسير للاتنين، إنما اللي حب الخير اختار إنه يكون دايما مسنود من نفسه ومن الغير، عارفين ليه؟ ببساطه مقدرناش ومعرفناش نحب نفسنا؟؟؟؟؟؟؟؟؟؟ لأننا كرهنا الغير ومحاولناش نمشي في الدنيا في طريق الخير.

حب نفسك، وبرده حب الغير، وحاول على قد ما تقدر تكون في الدنيا سبب من أسباب الخير، وفي النهاية أبدا لن ننساك.. يا ترى عارفين هو مين؟؟؟؟؟؟؟

إنه الضمير، بوابة التمييز بين الخير والشر، بين الحق والباطل، بين الواقع والخيال، فعليك أن تحاول جاهدا أن لا تنساه حتى لا تتجرد من أجمل مافيك أنك إنسااااااااااااااااااااااان.