الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

دنيا شحتة كامل تكتب: ليس على المريض حرج

صدى البلد

بقيت بعرف اداري واخبي واتعلمت الكدب...
يا ترى ده هينقذني من الكلام ولا هيتكتب ذنب....

بقعد اطبطب على نفسي واقول أنا تعباان...
ريقي ناشف ارويني ده انا عطشان...
ده انا من قلة الفرح بقيت للفرح جعان...

*استني متسبنيش ده انا تعبان*
خليك جانبي وخفف عني وأنا حزنان...
زي ما كنت معايا وقت ما كنت فرحان...
*أوعدك*
أوعدك إني أكون تمام وأحسن
إوعدك إني أبتسم واضحك وأبطل احزن

*والله هحاول بجد*
إني ما خافش أقرب من حد
*والله هحاااول*
إني أحب
وإني على عتبة الحب أدب

بس متسبنيش أنا محتاج افضفضلك...
ممكن بس دقيقة من فضلك...

ولا هتزهق وتمل!!!
طب هقولك مشاكلي وانت لو شاااطر بقااا حل

*أنا يا سيدي أشبه وطن محتل*
أو مسألة صعبة ملهاش حل...
أو كطبق سلطة دلع من غير ملح ولا خل...
أنا كقصه حزينة مكتوبة في سيناريو...
قصة غريق ورقة هشة في بانيو.....
وفي فوضى الكلام الكتيرررر بردو مش عارف اعبر ولا اتكلم...
مش لاقي غير قلبي عمال ينزف ويتألم....

ويهلوس بكلام مش مفهوم
غارقان في بحر من الهموم

والله يا عم!!! أنا قلبي من بين ضلوعي خرج
اعتبرني يا سيدي مريض وبهلوس *وليس على المريض حرج*

*ليس على المريض حرج*