محافظ القاهرة «طلع من بنها»

خرج علينا السيد المهندس عاطف عبد الحميد، محافظ القاهرة الجديد، بتصريحات عن أزمة البوتاجاز، وذلك خلال تفقده للمجزر الآلي بالأوتوستراد مرتديا زى رواد الفضاء وكأنه سيصعد لأحد الكواكب للحديث عن الأزمة.

ولم يجد المحافظ الفضائي حيلة للهروب من حالة السخط الشعبي بسبب نقص أنابيب الغاز سوى إلقاء الكرة في ملعب الإعلام، حيث أكد أن الإعلام هو من افتعل الأزمة والدنيا "بيس ومفيش مشكلة، والأنابيب مش لاقية بنى آدمين ياخدوها".

المحافظ المحترم قال كمان إنه حسب المراجعات، فقد اتضح أن وسائل الإعلام هي التى افتعلت الأزمة بتسليط الضوء عليها، ما أثار مخاوف المواطنين وجعلهم يتسابقون للتزاحم على منافذ التوزيع خوفًا من حدوث أزمة، نافيًا وجود أزمة فى أسطونات البوتاجاز مؤكدًا توافر كميات كبيرة منها.

فعلا البدلة كان ليها سحرها، فالمحافظ لم يشاهد الطوابير الطووووويلة والخناقات على أنبوبة فى عز الحر مش في القاهرة بس لكن في أغلب المحافظات، الأنبوبة سعرها وصل إلى 80 جنيها وأكثر، والمشكلة كمان مش في الطوابير، المصيبة إنك طول النهار تلف على المستودعات اللي أصحابها بيسلكوا حصصهم للسريحة علشان المكسب يزيد، وعلى مرأى ومسمع من الأحياء ومكاتب التموين، فالكل غض بصره وسمعه عن الأزمة وتركونا فريسة للسريحة اللي بيزودوا كمان عن سعر المستودع اللي هو غير رسمى كمان بسبب غياب الرقابة، ولكن المحافظ المحترم لم يجد شماعة يعلق عليها حالة التوهان اللي بتعيش فيها أحياء القاهرة سوى وسائل الإعلام.

واستغل هذه المناسبة لتوجيه دعوة لسيادة المحافظ عشان ينزل أحياءالقاهرة بنفسه وتكون زيارة سرية ويشوف كم الفساد اللي ضارب كل القطاعات وياريت تكون الزيارات دون علم اي من مساعديه أومكتبه عشان الزيارة تؤدى غرضها وياريت يبدأبحى عين شمس هيشوف بلاوى وخاصة بلاوى الحى والمخالفات الضارخة اللى عامل نفسه مش شايفها يعنى مثلا انزل مساكن عين شمس هتشوف عحب العجاب فالحى وهيئة النظافة لم يجدوا أفضل من محيط المدارس الابتدائية ليجعلوه محطة لتحميع الزبالة..فالمحافظ لو نزل بنفسه من غير ما حد يعرف هيشوف بنفسه ان اماكن تجمع الزبالة تقام أمام مجمع المدارس الابتدائية يعنى علي الله كل صبح الاطفال في المدارس دى بتتكيف بالريحة طوال اليوم الدراسي ناهيك عن سيطرةاصحاب المحلات التجارية لشارع احمدعرابي اللي بتمشي فيه بجنبك لان البهوات استولوا علي الشارع كله وطبعا بمباركة الحى حتى المرافق بتعمل كل فين وفين حملةحياءا من اصحاب من اصحاب المحلات والخوف من زعلهم.. سيبك من ده كمان المحافظ لو نزل عند مزلقان عين شمس ولا العشرين هيشوف برضه العحب بلطجة سواقين الميكروباص اللي معظمها من غير نمروكل واحد فيهم واخد الشارع لحسابه لدرجة ان عرببة الإسعاف بتحارب علشان اعدى وتنقذ مريض..وياريت المحافظ يشغل باله بمشاكل الناس فعلا وينزل لم علي ارض الواقع مش يهتم بس ويشغل باله بوسط البلد بس احنا عارفين انه لسه مستلم مهمته بس كل اللي عرضته مش عايز نوم وعايزه شغل.

وأخيرا ..الظاهر أن المحافظ يتبع سياسة "واحدة بواحدة" وكان اتهامه لوسائل الإعلام بافتعال أزمة البوتاجاز ما تم تداوله برضه عبر وسائل الإعلام والمواقع الإخبارية وصفحات التواصل الاجتماعي، عن أنباء تُفيد بتصالحه مع جهاز الكسب غير المشروع وسداده مبالغ مالية عام 2013، وحاول تصدير أزمة الأنابيب لوسائل الإعلام، خاصة بعدما نفى مركز دعم واتخاذ القرار التابع لرئاسة مجلس الوزراء، ردا ما تم تداوله وأنه تواصل مع جهاز الكسب غير المشروع الذي نفى صحة تلك الأنباء جملة وتفصيلًا.

فهل نحن نعيش في كوكب تانى أم المحافظ...