EN
أعربت الفنانة يسرا عن فخرها بمشاركة النجوم الشباب لها في مسلسل خيانة عهد قائلة " أفضل تيم كان معايا السنة دي وانا فخورة بيهم وسعيدة أني اشتغلت معاهم شباب وكبار "، مشيرة إلى أنها فرحت بمشاركتهم ومبهورة من أدائهم بشكل لا يمكن تخيله ".
وتابعت :"محدش بيطلع لوحده .. والي بيفكر يبقي نجم لوحده مش جامد يعني .. الافضل أننا نطلع مع ناس يعرفوا هما طالعين مع مين وإزاي ؟ ويكنوا بيشتغلوا صح " .
ووصفت في مداخلة عبر تطبيق " زووم " عبر برنامج " القاهرة الان " المذاع على فضائية العربية الحدث " دور الفنان بيومي فؤاد في المسلسل من أفضل أدوراه على الاطلاق بالاضافة إلى عبير صبري وحلا شيحة وخالد أنور وتيام وهنادي .
ولفتت إلى أن عودة جمانة مراد كانت رائعة على الاطلاق معلقة " كل الناس إشتغلت بمحبة كبيرة وبفرحة وهما معتزين بالعمل الدرامي وده سر النجاح ".
وعلقت على مشاركة الفنان الشاب تايام قائلة " مش أول مرة نشتغل مع بعض إشتغلنا في " لديه أقوال أخرى " لكن كان دوره صغير جدًا ولم يظهر موهبته لكن في خيانة عهد إستوى جدًا وبقى فاهم الدراما كويس اوي ".
وعن خالد أنور قالت " اول مرة اشتغل معاه وإتفاجئت بيه جدًا .. ولد موهوب بشكل غير عادي وبحبه من قلبي وحسيت أنو ابني بجد وبيكلمني في كل حاجة حتى الاعمال المعروضة عليه بيناقشني فيه "
