EN 
قال الدكتور طارق شوقي، وزير التربية والتعليم، إن الغش آفة اجتماعية كبيرة وليس مهارة تعليمية.
أضاف "شوقي"، خلال مداخلة هاتفية ببرنامج "آخر النهار"، المُذاع عبر فضائية "النهار"،: " نحاول تدريب الطلاب على استخدام التابلت، ولكن بعيدا عن فترة الامتحانات"، لافتا: "الهدف من التغيير في نظام الامتحانات الخاص بالصف الأول والثاني الثانوي هو للتيسير على الطلاب.
وأشار: "أهمية الامتحان الإلكتروني تأتي في حاجة ذات قيمة زي الثانوية العامة.. عشان منطبعش ورق والامتحان يتسرب"، موضحا: "اللى عاوز يتعلم ويستفيد هو حر في امتحانات الصف الأول والثاني الثانوي، لكن ميرجعش يشتكي في 3 ثانوي ويقول إيه الأسئلة دي".
أوضح: "لو رايح معمل تعمل تحليل وجبت عينة بتاعة واحد صاحبك فدي مش بتاعتك وهكذا في الثانوية، والأوبن بوك معترف بيه في العالم كله عشان أنا مش عاوزك تحفظ"، مردفا: "دي كلها امتحانات سنوات نقل عادية خالص، وملايين الطلاب من رابعة ابتدائي إلى الثانوية العامة بيمتحنوا بنفس الأسلوب، وهو الإجابة على الورق".
