EN
حل الفنان أحمد أدم، ضيفا فى حوار سابق، قائلا: "الميديا والجرائد والمجلات أصبحت كثيرة جدا.. دا بجانب القنوات التليفزيونية.. والمواطن العادي معندوش وقت انه يقرأ الحكاية من بدايتها لنهايتها فبيكتفي انه يقرأ مانشيت وياخد بالعناوين.. وفيه واحد كتب ان أحمد أدم يعلن عن نهاية عصر عادل إمام.. واما تيجي تقرا اللي جوا تقول ان عصره كان فيه ثمان افلام فى السنة ويفضل ناجح محدش حققه غيره".
وتابع: "عادل إمام كان اما يعمل فيلم وحش ينجح واما يعمل فيلم حلو ينجح برضو والمسرح نفس الكلام.. والعصر دا شوفته غير قابل للتكرار لأن الظروف اللي احنا فيها النجم بيعمل فيلم واحد.. غير عادل إمام.. وانا شايف ان السينما الان لا يوجد بها منافسة".
وأشار: "هنيدي سرق أفكارى اما كنا فى دور عرض الفيلم عملنا شكل أفيش معين.. وكان حد بيسألني عن الحادثة الموجودة اني اضطريت اغير الأفيش علشان هنيدي خده.. اللي مضايقني هي العناوين لانهم بيحرفوها من أجل أن يقرأها الناس.. لاني ولا غلطت ف هنيدي أو علاء".
