EN 
حل النجم المصري محمد صلاح نجم ليفربول الإنجليزي، ضيفا في برنامج "صاحبة السعادة"، الذي تقدمه الفنانة "إسعاد يونس"، والمُذاع عبر فضائية "دي إم سي".
وكشف "محمد صلاح"، عن هدفه في الحياة، قائلا: "هدفي في الحياة إني أغير حاجه كانت موجودة بالنسبة للناس"، متابعا: "لو رجعنا بالزمن لـ10 سنين وسألنا الناس في مصر ممكن يبقى عندك حد بينافس في أحسن لاعب في العالم هيقول لا".
وأضاف: "دلوقتي المصريين شايفين واحد منهم ودلوقتي ممكن يقولوا ليه لا كل الناس ممكن توصل لهذا المستوى"، معقبا: "هذا هو الهدف الرئيسي بالنسبة لي في الحياة، ولو أنا مُت خلاص حققت حاجه كبيرة".
مفيش كلام يوصف إحساسي.. محمد صلاح يعلق على آراء الجماهير المصرية عنه.. فيديو
وعرضت الفنانة "إسعاد يونس"، تقريرا أمام محمد صلاح يرصد حب الجماهير المصرية للنجم العالمي محمد صلاح.
وقال أحمد الجماهير: "محمد صلاح بالنسبة لي مثل أعلى"، وتابعت أخرى": "مفيش حد مش بيحب محمد صلاح".
وعلق محمد صلاح على التقرير قائلا: "مفيش كلام ممكن أقوله يوصف احساسي بالفرحة أن الناس عندهم أمل وشايفين حد منهم استطاع أنه يعمل حاجه مختلفة تعطي أمل للأطفال الصغيرة، وهذا كان هدف من ضمن أهدافي في الحياة أني أغير حاجه معينة في مصر".
