EN 
قال الإعلامي عمرو أديب، إن هناك حديث يتردد منذ عدة أيام بشأن نقل ماسبيرو، معقباً: " انتوا عارفين رأيي .. ده الـ BBC نقلوها.. اللي هي الاستوديهات اللي كانت موجودة في الحرب العالمية التانية اتنقلت .. نقلوا المبنى كله .. وغيروا الاستوديوهت وكل حاجة".
وأضاف "أديب" خلال تقديمه برنامج "الحكاية" المُذاع على فضائية "MBC مصر"، أن الحكومة تدرس تخصيص مقر جديد لماسبيرو كامتداد له بالعاصمة الإدارية، معقباً: "لو لاقيت في دراسة الجدوى الفنية والاقتصادية أنك تنقل ماسبيرو .. انقله .. مش امتداد ولا الكلام الفارغ ده .. ياتنقله كله ياتخلوه زي ما هو".
وتابع: "وليه ماسبيرو يتنقل العاصمة الإدارية، ما يتنقل هنا في مدينة الإنتاج الإعلامي .. ما هي ضخمة وتاخد مليون ماسبيرو .. ومدينة 6 أكتوبر هيكون بها قطار والناس تروح وتيجي عادي".
وأشار "أديب" إلى أن مبنى الـ BBC تم بيعه بحوالي 200 مليون جنيه استرليني منذ 10 سنوات، معقباً: "والمبنى القديم ده كان عبارة عن متحف والله .. ومع ذلك اتباع .. شوف دلوقتي الاستوديوهات في المبنى الجديد طايرة .. والاستوديو عبارة عن 3 أدوار .. والصحفيين باينين بشكل شفاف".
