وجهت الإعلامية ياسمين عز، حديثها للفتيات، قائلة: “اسمعوا كلام ماما، واعملوا اللي هي بتطلبه منكك”.. متابعة: "ازعلي مني دلوقتي؛ بدل ما تزعلي من حماتك بعدين".
واسترسلت "ياسمين عز" خلال تقديمها برنامج “كلام الناس” المذاع على قناة "إم بي سي مصر"،: "اسمعي كلام ماما، واغسلي المواعين قبل ما تنامي، ماتقوليش ليها حاضر وتقعدي تتفرجي على التلفزيون".
وأكملت: "مينفعش ترمي هدومك على السرير، وتبقى هدومك في كل حته، وناسيه شراباتك في بطن الجزمة"، متابعة: "المفروض تغسلي وتكوي هدومك لوحدك".
وأضافت: "إوعي ترمي الفوطة مبلولة على السرير وتعمل ريحة مكمكمة".