EN 
يواصل صدى البلد، نشر نص الاعترافات في قضية مقتل مشرفة عمال بورسعيد داليا الحوشي على يد سمكري بمساعدة ابنتها نورهان خليل عقب كشفها علاقتهما غير الشرعية خشية افتضاح أمرهما.
شاهد الفيديو:
وكشف المتهم حسين عشيق ابنة المجني عليها في اعترافاته: "نورهان ضربت أمها بالشاكوش اللى جبته معايا على راسها من ورا خبطتين جامدين بعد ما كنت أنا خلصت ضرب بالإزازة في رقبتها، وتأكدت من موتها بعد الضربات اللى ضربناه أنا ونورهان دوست على بطنها لقيتها مش بتطلع نفس ولا حركة ورقبتها مفتوحة وبتجيب دم كتير".
وأضاف:" بعد كده لفيناها بالملاية الحمرا اللى نورهان جابتها من أوضتها وحاولنا نشيلها وننزل بيها بره البيت لكن كانت تقيلة وماعرفناش فسيبناها في الأوضة زي ما هي، وبعد كده نورهان خدنا المخدة كلها وملاية السرير والفوطة والشاكوش والسكينة والكاس المكسور والعصاية ونضارة مامتها علشان جه عليها دم وحطيناهم في كيس أسود كبير من بتاع الزبالة، ونورهان اديتني موبايلين بتاعها وبتاع مامتها حطيتهم في جيبي ونورهان كلمت أحمد أخوها وقالتله إن في رقم غريب كلمها وقالها إن مامتها وقعت فالشارع وخدوها على مستشفى بورفؤاد وطلبت من إخواتها يروحوا يشوفوا أمهم فالمستشفى وهى هتحصلهم".
