روبيل أنور يكتب: أنا العاشق

انا عاشق ..... انا عاشق .
انا ليها كتاب مفتوح
انا القلم و انا الورقة
و انا الضحكة و انا المجروح
انا اللي احتاروا في المي
و من وصفي انها مني
و من عشقي مابقدر ابوح
انا النسمة اللي عالشجرة
و انا الكتكوت
انا اللي بدأت من طيني
ومكتوبلي في يوم راح اموت
انا اللي عشقت ضحكتها
و هاقولها بعلو الصوت
انا عاشق . انا راهب
و انا في سجنك. بحبك موت
انا اللي عشقت يوم خلي
و انا في خلي
انا غرقان
انا المكسور و بغني
انا اللي يشوفني يقول فرحان
انا اللي حلمت يوم بيكي
و بناديكي
انا تعبان
انا اللي شربت من حضنك
و انا في حضنك
انا انسان