كرهتك يا مصر

أنا اسفة كرهتك يا مصر
أنا اسفة كرهتك يا اللى كنتى فى عز فقر القلوب لينا قصر
أنا اسفة كرهتك ياللى كنتى احلى فى عيونى من بلاد قوس النصر
... آه.. وآه يا مصر
يا اللى الحر فيكى اصبح شئ قابل للكسر
يا اللى كنت ليا فانوس رمضان وفرحة عيد
يا اللى كانوا بيقولوا عليكى ارض الاحرار اتريهم عبيد
ياللى حلم الحرية جواكى اصبح زى بلوتو للأرض.. أبعد بعيد
يا اللى دبل الورد اللى فتح فيكى.. وهو شهيد
مش عارفه أبكى على خيبة انتخباتك ولا ابطل عياط
اترحم على نسر عالى وقعتيه ولا اخلي دموعى للى جاى.. اهو احتياط.
لما يبقى مرسي اختيارك الاول وشفيق اختيارك التانى
يبقى اروح زى غيرى
ادور على باسبورى
واغور فى ستين داهيه..
واهرب من كوابيسك اللى جايه..
عشنا ثلاتين سنة ورا قضبانك.. وحلمنا فى سنة نهدم جدرانك
اهى اتهدت.. على دماغنا..
ياريتنا ما قمنا بثورة ولا روحنا
مرسى ولا شفيق.. زى مبارك والاتنين فريق
مرصوف على رقبينا.. زى سيف السياف سرور
منتظرين امر شهريار لما يجى علينا الدور
امتى بس يطلع الفجر والديك يدن وشهرزاد تختم الحكاية
وتطلع اروحنا ونستريح وتكون النهاية
فرحة..
مدموغة بدم الطرحة..
اصلك يا مصر مستخسره.. شويا شباب لسه عايش جواكى
شايل همك ووجعك وعياكى
عايزانا نضيع.. قولى
بلا حرق دم بمرسى الاخوانى.. وشفيق الفلولى
وانا أسفة تانى
مش قادرة اسامحك ولو عشانى
مش اقادره غير اقول.. كرهتك يا مصر