EN
انهار عدد من أهالي عزبة الصفيح بمحافظة الدقهلية وتعالت صيحاتهم واستغاثاتهم خاصة عقب انهيار عقار أمس الجمعة وأسفر عن مصرع 7 أشخاص وإصابة خمسة آخرين.
"صدى البلد" رصد عددًا من الشقق التي تسربت فيها مياه المجارى وتهدد بكارثة فى القريب إن لم تحل مشكلة الصرف الصحى وأيضًا معاناتهم بسبب الأمراض التى نتجت من الصرف الصحى.
يقول محمد على: "بيتنا هيقع يا ناس.. حرام كده.. نعمل إيه.. موت وخراب ديار.. بقالنا سنين بنشتكى ونبعت للمسئولين محدش بيسأل لازم الكارثة تحصل عشان يتحركوا".
فيما قالت منى محمد: "بيتنا احنا كمان هيقع بسبب البيت اللى جمبيه شوفوا الميه داخلة ازاى ولا الشارع جوزى جاله المرض وبيغسل كلى بسبب المجارى ولا عارفين نعيش زى الناس".
أما محمود على فيقول: "الشوارع طفحت ولما بتمطر بتبقى مصيبه حرام عليكم يا مسئولين ساعدوا الريس متوقعوش فى البلد خافوا عليها وحبوها وراعوا الغلابة عشان خاطر مصر بالله عليكم ، الريس هيشيل ايه ولا ايه وانت يا ريس اختار الكفاءة معاك عشان الناس الغلابة دى".
