عمرو عبد العزيز يكشف حقيقة زواج الهضبة ودينا الشربينى

تراجع الفنان الشاب عمرو عبد العزيز عن تأكيده بزواج كل من الفنان عمرو دياب والفنانة دينا الشربينى بعدما كان قد طلب عبر صفحته الشخصية على موقع التواصل الاجتماعى "فيسبوك" الجمهور عدم الحديث عن زواج "الهضبة" و"دينا" مرة أخرى والاكتفاء بتمنى السعادة لهما.

وبعد ساعات من نشر تلك الكلمات عاد "عبد العزيز" ونشر عبر صفحته الشخصية على" فيسبوك" توضيحًا لما قال، حيث أضاف: "يا جماعة للتوضيح، أنا قريت خبر على النت فى موقع بابارتزى كان الموقع بيقول بالنص إنهم اتجوزوا ده كل اللى انا قريته وبناء عليه قولت، لو اتجوزا نقولهم الف مبرووووك ونهنيهم والناس اللى متضايقة ماتقولش كلمة وحشة فى حق حد وتسكت احسن.

وتابع قائلا: "والله ده كل اللى انا قولته فقط لا غير وسواء اتجوزوا أو ماتجوزوش والله انا ماليش علاقة، انا كل اللى كان مضايقنى فقط هو هجوم بعض الناس اللى كتبت كلام وحش بس ,هو ده كل الموضوع ليس أكثر ولا أقل".